Contact Us

SON XƏBƏRLƏR

BMT-nin Lübnandakı sülhməramlı missiyasının mandatı sonuncu dəfə uzadılıb

2025.08.29, 12:17
BMT-nin Lübnandakı sülhməramlı missiyasının mandatı sonuncu dəfə uzadılıb

BMT Təhlükəsizlik Şurası Lübnandakı Müvəqqəti Qüvvələrinin (UNIFIL) missiyasının mandatını yekdilliklə 2026-cı ilin sonuna qədər uzadıb.

Gunaz.tv

Məlumata görə, BMT Təhlükəsizlik Şurasının 15 üzvü Fransa tərəfindən hazırlanan və Amerika ilə kompromis əldə edildikdən sonra təqdim olunan qətnaməni yekdilliklə dəstəkləyib.

Qətnamədə UNIFIL-in 31 dekabr 2026-cı il tarixində fəaliyyətini dayandırması, həmin tarixdən başlayaraq bir il ərzində Lübnan hökuməti ilə yaxın koordinasiya şəraitində hərbi kontingentin nizamlı və təhlükəsiz şəkildə azaldılması və ərazidən çıxarılması qeyd olunur. Məqsəd ölkənin cənubunda təhlükəsizliyin yeganə təminatçısının Livan hökumətinin olmasıdır.

Amerikanın BMT-dəki müvəqqəti işlər vəkili Doroti Şi bildirib ki, bu, UNIFIL-in mandatının rəsmi Vaşinqton tərəfindən dəstəklənən sonuncu uzadılmadır. Onun sözlərinə görə, Lübnandakı təhlükəsizlik vəziyyəti ötən illə müqayisədə dəyişib və bu, Lübnanın daha çox məsuliyyət götürməsi üçün fürsət yaradır.

Qeyd edək ki, UNIFIL-in mandatı 2006-cı ildə İsrail ilə "Hizbullah" arasında baş vermiş bir aylıq müharibədən sonra genişləndirilmişdi. Missiyanın məqsədi Lübnan ordusuna ölkənin cənubunu silahlı qruplaşmalardan təmizləməkdə yardım etmək idi.

 

C

Açar Sözlər :

SEÇİLMİŞ XƏBƏRLƏR

Çox oxunanlar