Beynəlxalq təşkilat azərbaycanlı bəhailərə görə bəyanat yaydı

SON XƏBƏRLƏR

Beynəlxalq təşkilat azərbaycanlı bəhailərə görə bəyanat yaydı

2025.09.18, 10:59

Beynəlxalq Bəhai İcması Həmədan şəhərində ağır həbs cəzasına məhkum edilmiş 6 azərbaycanlı xanım bəhaiyə görə bəyanat yayıb.

Gunaz.tv

"Bu altı qadına qarşı irəli sürülən ittihamlar və hökmlər sırf bəhailiyə inanmalarına görədir",- bəyanatda bildirilib.

Beynəlxalq Bəhai İcmasının Cenevrədə BMT-dəki nümayəndəsi Simin Fəhəndej məsələ ilə bağlı verdiyi açıqlamada qadınların ölkənin çiçəklənməsinin açarıdır olduğunu, Tehran rejiminin buna qarşı çıxdığını deyib:

“Ancaq İran hökuməti onları dəstəkləmək və gücləndirmək əvəzinə qadınları həbs edir və sıxışdırır; bu yalnız onların qadın olduğu üçün deyil, həm də bəhai olduqları üçün edilir”.

O, İranda bəhai qadınların müxtəlif ayrı-seçkiliklərlə üzləşdiklərinə diqqət çəkib:

"Həmədandakı bu 6 qadın uşaqları və ailələri olmasına baxmayaraq, yalnız inanclarına görə illərlə həbs cəzasına məhkum ediliblər. İran hökuməti bu açıq ayrı-seçkilik və zülmə görə cavab verməlidir".

Xatırladaq ki, Həmədan şəhərindən olan islam dininin bəhai təriqətinə mənsub olan Nida Mohebbi, Atifə Zahidi, Fəridə Əyyubi, Nura Əyyubi, Zərrindoxt Əhrarizadə və Jalə Rzayi ümumilikdə 38 il 11 ay azadlıqdan məhrum ediliblər.

Onlar "bəhai icmasına üzv olmaq" və "islam qanunlarını pozan təlim və təbliğat aparmaq"da günahlandırılıblar.

Qeyd edək ki, hazırda İranda 300 mindən çox bəhai yaşasa da, İran Konstitusiyası bəhai təriqətini rəsmən tanımır.

İran Mədəni İnqilab Ali Şurasının qərarına əsasən bəhai təriqətinə mənsub olanlar ölkədə vətəndaşlıq hüququ olmayan insanlar sayılırlar.

GünazTV

GUNAZ.TV

SON XƏBƏRLƏR