Contact Us

SON XƏBƏRLƏR

Zelenski: Budapeşt memorandumu uğursuz olub, yeni təhlükəsizlik arxitekturası qururuq

2025.09.24, 11:59
Zelenski: Budapeşt memorandumu uğursuz olub, yeni təhlükəsizlik arxitekturası qururuq

Budapeşt memorandumu uğursuzluğa düçar olub və boş sözlərə çevrilib, buna görə də Ukrayna yeni təhlükəsizlik arxitekturası qurur.

Gunaz.tv

Günaz TV APA-ya istinadən xəbər verir ki, bu barədə Ukrayna Prezidenti Volodimir Zelenski BMT-nin Təhlükəsizlik Şurasının iclasında çıxışı zamanı bildirib.

Zelenski qeyd edib ki, bu məsələdə Ukraynaya Avropa müttəfiqləri və Amerika kömək edir.

Onun sözlərinə görə, bu uğursuzluq sübut edir ki, beynəlxalq vədlər sadəcə boş sözlərə çevrilə bilər.

“Ona görə də bu gün Böyük Britaniya, Fransa və artıq 30-dan çox ölkənin daxil olduğu koalisiya ilə birlikdə biz yeni təhlükəsizlik arxitekturası qururuq. Biz Amerikanın etibarlı dəstəyinə arxalanırıq”, – o bildirib.

Zelenskinin fikrincə, real təhlükəsizlik zəmanətləri elə bir sərhəd olmalıdır ki, Rusiya onu bir daha keçə bilməsin.

Qeyd edək ki, 1994-cü il dekabrın 5-də Budapeştdə Ukrayna, Rusiya, Amerika və Böyük Britaniya arasında memorandum imzalanıb. Bu sənəd Ukraynanın nüvə silahından imtina etməsi müqabilində onun təhlükəsizliyinə zəmanət verilməsini nəzərdə tuturdu.

 

C

Açar Sözlər :

SEÇİLMİŞ XƏBƏRLƏR

Çox oxunanlar