Amerika İranın 50-dən çox qurumuna sanksiya tətbiq etdi

SON XƏBƏRLƏR

Amerika İranın 50-dən çox qurumuna sanksiya tətbiq etdi

2025.10.10, 10:29

Amerika hakimiyyəti İranın enerji resurslarının nəqli ilə məşğul olan 50-dən çox şirkət, gəmi və fiziki şəxsə qarşı sanksiyalar tətbiq edib.

Gunaz.tv

Bu haqda Amerika Maliyyə Nazirliyi məlumat yayıb.

Məlumata görə, Xarici Aktivlərə Nəzarət İdarəsi İranın neft və neft-kimya ixracına qarşı tədbirləri gücləndirir.

"Sanksiyaların hədəfində olan şəxslər və təşkilatlar İran neftinin və mayeləşdirilmiş qazının satışı və tədarükünü asanlaşdırıblar", - nazirlik bildirib.

Məhdudiyyətlərə məruz qalanlara Birləşmiş Ərəb Əmirlikləri, Honq-Konq, Sinqapur, Hindistan, Türkiyə, Çin, Panama, Ukrayna və Marşal adaları da daxil olmaqla müxtəlif ölkələrdə 50-dən çox fiziki şəxs, şirkət və həmçinin enerji resurslarının nəqlində istifadə olunan bir sıra gəmilər daxildir.

Bununla yanaşı İraqda fəaliyyət göstərən İrana bağlı bəzi qruplar və şəxslərə qarşı da sanksiya tətbiq edilib.

Birləşmiş Ştatlar İranın maliyyə şəbəkəsinə və İraqda dəstəklədiyi proksi qruplarına qarşı sanksiyaların bir hissəsi olaraq, İraqın Milli Olimpiya Komitəsinin rəhbərinə qarşı sanksiyalar tətbiq etdiyini açıqlayıb.

Bildirilib ki, o, İran rejiminə Amerika sanksiyalarından yan keçməyə, silah qaçaqmalçılığına və İraqda geniş yayılmış korrupsiya ilə məşğul olmağa kömək edən şəxslər və şirkətlərə qarşı tədbirlər görülüb.

Amerika Maliyyə Nazirliyi əlavə edib ki, iki iraqlı qardaş, SEPAH-ın Qüds Qüvvələrinə bağlı kommersiya bankının sahibi və meneceri Əli Məftən Xəfib Əl-Beydani və Əqil Məftən Khafib Əl-Bəydani-yə sanksiya tətbiq edib.

Vaşinqtonun dediyinə görə, adı çəkilən iki qardaş SEPAH kəşfiyyatının yüksək rütbəli məmurları ilə sıx əlaqələrə malikdir və İraqdakı SEPAH tərəfdarı olan proksiləri maliyyə resursları ilə təmin ediblər.

GünazTV

GUNAZ.TV

SON XƏBƏRLƏR