Contact Us

SON XƏBƏRLƏR

İsrail-İran müharibəsinin ikinci mərhələsi şiddətli olacaq- J Street

2025.11.04, 13:29
İsrail-İran müharibəsinin ikinci mərhələsi şiddətli olacaq- J Street

İran İslam respublikası ilə İsrail arasında müharibənin ikinci mərhələsinin başlanması ehtimalı yüksəkdir və bu birinci müharibədən daha şiddətli olacaq.

Gunaz.tv

Bu, Amerikanın J Street Təşkilatının hesabatında yazılıb.

İsraili himayə edən liberal J Street Təşkilatı hər iki tərəfin yeni müharibəyə daha ciddi hazırlaşdıqlarını qeyd edib.

Hesabatda atəşkəslə bağlı razılaşmanın olmadığı diqqətə çatdırılır və buna görə də müharibənin hər an başlaya biləcəyi bildirilir:

"Razılaşma və ya atəşkəs barədə rəsmi yazılı sənəd yoxdur və sakitliyin davam etməsi əsasən Amerika prezidenti Donald Trampın İsrailin Baş naziri Benyamin Netanyahunu hərbi əməliyyatlardan çəkindirib-çəkindirə bilməyəcəyindən asılıdır. Bu çəkindirmə isə qısa müddətli ola bilər".

J Street Təşkilatı İsrail rəsmilərinin 12 günlük müharibəni İranla birinci müharibə adlandırdıqlarını qeyd edərək, ikinci müharibənin də olacağına eyham vurduqlarına diqqət çəkir:

“İsrail rəsmiləri növbəti hücumların daha güclü şəkildə İranın raket proqramına və hökumət strukturuna yönələcəyinə inanırlar. Digər tərəfdən, İranın yenidən sürprizlə qarşılaşması ehtimalı azdır”.

Qeyd edək ki, İranın xarici işlər naziri Abbas Əraqçı dünən "Əl-Cəzirə" telekanalına verdiyi müsahibədə İsrailin ordu və SEPAH komandirlərini evlərində öldürməsini gözlənilməz adlandırıb.

O, indi Tehranın müharibə ehtimalına qarşı yaxşı hazırlaşdığını və surpirizlə qarşılaşmayacağını bildirib.

GünazTV

Açar Sözlər :

SEÇİLMİŞ XƏBƏRLƏR

Çox oxunanlar