Contact Us

SON XƏBƏRLƏR

Pezeşkian komandasına narazılıq - Vitse-prezident istefa ərizəsi yazıb

2025.11.20, 11:36
Pezeşkian komandasına narazılıq - Vitse-prezident istefa ərizəsi yazıb

İran prezidenti Məsud Pezeşkianın birinci müavini Məhəmməd Rza Arif istefa ərizəsi yazıb.

Gunaz.tv

Bununla bağlı İran parlamentinin sədri Məhəmməd Baqir Qalibafın nəzarətində olan "Sobh-e no" qəzeti məlumat yayıb.

Qəzetin yazdığına görə, prezident istefa ərizəsini qəbul etməyib.

"Arif birinci vitse-prezident kimi idarəçilikdə rolunun məhdud olmasına və əsas qərarların onunla məsləhətləşmədən qəbul edilməsinə etiraz olaraq istefa ərizəsi yazıb",- "Sobh-e no" nəşri iddia edib.

Bununla yanaşı qeyd olunub ki, Arifin, Məsud Pezeşkian komandasının bir neçə üzvü, o cümlədən icraçı vitse-prezident Məhəmməd Cəfər Qaempənah və 
İran Prezidentin Administrasiyasının rəhbəri Möhsün Hacı Mirzayi ilə də ixtilaflarının olmasının onun istefa vermək istəyində rol oynaıb.

Qeyd edək ki, ötən həftə Məsud Pezeşkian İbrahim Rəisinin yaxın kadrlarından olan İsmayıl Səqqabı energetika üzrə özünə müavin seçməklə yanaşı, onu həm də Enerji Optimallaşdırması və Strateji İdarəetmə Təşkilatının rəhbəri təyin edib.

Belə bir sərt xət tərəfdarı olan şəxsin isə iki yüksək vəzifəyə təyin olunması İran prezidentinin islahatçı xət tərəfdarı olan komandası daxilində narazılıq və etirazla qarşılaşıb.

GünazTV

Açar Sözlər :

SEÇİLMİŞ XƏBƏRLƏR

Çox oxunanlar