Abbas Əraqçinin Davosa dəvət olunmasına etiraz

SON XƏBƏRLƏR

Abbas Əraqçinin Davosa dəvət olunmasına etiraz

2026.01.19, 07:53

Gunaz.tv

İran İslam Respublikası xarici işlər naziri Abbas İraqçinin adı Davosda keçiriləcək Ümumdünya İqtisadi Forumunun spikerlər siyahısına gizli şəkildə əlavə edilib.

Bu barədə məlumat verən “Nüvə İranına Qarşı Birlik” (UANI) təşkilatının siyasi direktoru Ceyson Brodski bildirib ki, İraqçinin siyahıya salınması heç bir ictimai açıqlama olmadan həyata keçirilib.

Fox News-un məlumatına görə, sözügedən təşkilat Ümumdünya İqtisadi Forumuna ünvanladığı rəsmi məktubda İraqçinin dəvətinin ləğv olunmasını tələb edib və bu addımı “son aylarda İranda baş verən ən böyük qırğınla eyni vaxta təsadüf edən utancverici qərar” kimi qiymətləndirib.

İnsan haqları pozuntularında iştirak edən İran rəsmilərinin Davos kimi beynəlxalq platformalara dəvət olunması illərdir ciddi tənqidlərə səbəb olur. Tənqidçilər bildirirlər ki, Davos bəzi hallarda insan haqlarını pozan rejimləri cavabdeh tutmaq əvəzinə, onlara tribuna və siyasi legitimlik qazandırır.

Ümumdünya İqtisadi Forumu (Davos) siyasət, iqtisadiyyat və qlobal şirkətlərin aparıcı nümayəndələrini bir araya gətirən illik beynəlxalq toplantıdır və rəsmi olaraq qlobal iqtisadiyyat, təhlükəsizlik və beynəlxalq çağırışların müzakirəsini hədəfləyir.

GUNAZ.TV

SON XƏBƏRLƏR