Contact Us

SON XƏBƏRLƏR

Walid Fares: Hizbullah “xomeyniçi” ideologiyanın qoludur, Livanın təmsilçisi deyil

2026.02.07, 10:40
Walid Fares: Hizbullah “xomeyniçi” ideologiyanın qoludur, Livanın təmsilçisi deyil

Gunaz.tv

ABŞ-da təhsil almış, Hizbullah və Livan məsələləri üzrə ekspert olan və ABŞ prezidentliyinə namizədlərə məsləhətlər vermiş Valid Fares "Fox News"a açıqlamasında bildirib:

“Hizbullahın tərksilah edilməsi təkcə ABŞ və beynəlxalq ictimaiyyətin tələbi deyil, ən əsası Livan xalqının əksəriyyətinin istəyidir. Bu tələb ən azı 2005-ci ildən — bir yarım milyon livanlının Suriya işğalına və xomeyniçi silahlı qruplara qarşı küçələrə çıxdığı dövrdən mövcuddur.”

Valid Faresin “xomeyniçi silahlı qruplar” ifadəsi ilə nəzərdə tutduğu, ideologiyası 1979-cu il İran İslam İnqilabına və “vilayət-i fəqih” doktrinasına söykənən, siyasi və hərbi baxımdan İran İslam Respublikasına bağlı və ya onunla eyni xəttdə hərəkət edən qurumlardır. Bu anlayış dini deyil, ideoloji-siyasi xarakter daşıyır.

Fares əlavə edib ki, 2005-ci il etirazlarından sonra Bəşər Əsədə bağlı Suriya ordusu Livandan çıxarılsa da, Hizbullah silahlarını təhvil verməyib. Bununla da Suriya hərbi təsiri aradan qalxsa da, İranın Hizbullah vasitəsilə təsiri ölkədə davam edib. Onun sözlərinə görə, 2008-ci ilin mayında bu radikal şiə silahlı qrup Qərbyönlü hökumətə qarşı şəhər miqyaslı silahlı çevriliş həyata keçirib və 2025-ci ildə baş verən, “12 günlük İsrail–İran müharibəsi” kimi tanınan qarşıdurmayadək faktiki olaraq tam gücü əlində saxlayıb.

O, həmçinin qeyd edib ki, 7 oktyabr 2023-cü ildə Həmasın İsrailə hücumundan sonra Hizbullah bu qrupla açıq şəkildə həmrəy mövqe sərgiləyib və bu da qarşıdurmaların genişlənməsinə səbəb olub. Fares vurğulayıb ki, Hizbullahın verdiyi bu qərar Livanı, qərarların Beyrutda qəbul edilmədiyi bir müharibəyə sürükləyib.

"Fox News"un noyabr ayında yaydığı məlumata görə, Tramp administrasiyası Livan hökumətinə Hizbullahın tərksilah edilməsi ilə bağlı təzyiqləri artırıb.

Hizbullah problemi yalnız ABŞ-la məhdudlaşmır; Livan cəmiyyətinin geniş bir hissəsi bu qrupu İranın təsirinin davamı və ölkənin milli suverenliyinə maneə kimi görür. Hizbullah silah gücü ilə Livandakı daxili siyasi balansı iflic edib və ölkəni İran və Həmasla əlaqəli regional münaqişələrə cəlb edib.

 

Əlaqəli xəbərlər
- ABŞ-ın Türkiyədəki səfirindən reaksiya: Hizbullah terrorçu qrupdur
- Niyə Livan ordusu Hizbullahla toqquşmağa hazır deyil?
- ABŞ ilə Beyrut arasında Hizbullahın tərksilahı ilə bağlı dərin uçurum
- ABŞ senatoru Livan ordusunun komandanı ilə görüşü qəfil dayandırdı

 

GünAzTV

Açar Sözlər :

SEÇİLMİŞ XƏBƏRLƏR

Çox oxunanlar