Contact Us

SON XƏBƏRLƏR

Məlumata görə hazırda Təbriz bombalanır

2026.03.10, 21:43
Məlumata görə hazırda Təbriz bombalanır

Günaz TV-nin əldə etdiyi məlumata görə hazırda Təbriz bombalanaır.

Gunaz.tv

Bu barədə Günaz TV yerli qaynaqlara istinadən xəbər verir. Bombardımanın 3 saatdır davam etdiyi bildirilir.

Hazırda Təbriz, Binab və Azərşəhr güclü bombardman altındadır.

Hazırda xəbəri hazırladığımız anda Təbriz şəhərinin artıq 3 saatdır fasiləsiz olaraq ABŞ və İsrail qüvvələri tərəfindən bombardman edildiyi bildirilir.

Şərqi Azərbaycan vilayətindən daxil olan məlumatlara görə, son saatlarda Təbriz, Binab, Azərşəhr, Marağa və Əcəbşir şəhərləri bombardmana məruz qalıb və bu bölgələrdə bəzi hərbi və təhlükəsizlik obyektləri hədəfə alınıb.

Yerli mənbələrin bildirdiyinə görə, hücumlar təxminən 3 saatdır fasiləsiz davam edir və şəhərin müxtəlif hissələrində yerləşən bir neçə hərbi və təhlükəsizlik obyekti vurulub.

Məlumatlara görə, Təbrizin Nəsf-Rah bölgəsində yerləşən xüsusi təyinatlı polis qüvvələrinin məntəqəsi hədəfə alınıb. Həmçinin Bağşimal bölgəsində yerləşən Bədr Bəsic mərkəzi, eləcə də Sepah qüvvələrinə və ordunun mərkəzi bölmələrinə aid bəzi obyektlərin də hücuma məruz qaldığı bildirilir.

Bu hücumların davamında Şərqi Azərbaycan vilayətinin digər şəhərlərinin də hədəfə alındığı barədə məlumatlar yayılıb.

Yayılan məlumatlara görə, Binab şəhəri saat 14:40 və 14:56-da bombardman edilib. Azərşəhr şəhəri isə saat 15:00-da hücuma məruz qalıb.

Məlumatlarda həmçinin Marağa və Əcəbşir şəhərlərinin saat 15:10-da bombardman edildiyi bildirilir.

Yerli mənbələr bildirir ki, hücumlar nəticəsində Binab şəhərində polis idarəsinin komandanlıq binası dağıdılıb, Azərşəhrdə isə Sepah qüvvələrinə aid bəzi mərkəzlər hədəfə alınıb.

Xəbərin yayımlandığı ana qədər yerli və vilayət rəsmiləri bu hücumlarla bağlı hər hansı açıqlama verməyib.

 

GünAzTV
C - R.G

 

Açar Sözlər :

SEÇİLMİŞ XƏBƏRLƏR

Çox oxunanlar