Contact Us

SON XƏBƏRLƏR

Təbriz və Şərqi Azərbaycanın digər şəhərlərində hərbi və hökumət mərkəzləri hədəfə alındı (Video)

2026.03.10, 22:37
Təbriz və Şərqi Azərbaycanın digər şəhərlərində hərbi və hökumət mərkəzləri hədəfə alındı (Video)

Gunaz.tv

Şərqi Azərbaycanda yerli mənbələrdən daxil olan məlumatlara görə, Təbriz, Binab, Məlekan, Əcəbşir və Azərşəhr də daxil olmaqla bir neçə şəhərdə bəzi hərbi və təhlükəsizlik mərkəzlərinə genişmiqyaslı hücumlar həyata keçirilib.

Yerli mənbələrin bildirdiyinə görə, bu hücumlar zamanı bəzi hərbi obyektlər, Sepah mərkəzləri və təhlükəsizlik və kəşfiyyat qurumlarına bağlı binalar hədəfə alınıb.

Yerli mənbələrdən daxil olan məlumatlara əsasən, son günlərdə Şərqi Azərbaycan vilayətinin bir neçə şəhəri də hücumlara məruz qalıb.

Bir yerli mənbə Gunaz TV-yə bildirib ki, bu gün Təbriz, Binab, Məlekan, Əcəbşir və Azərşəhr şəhərlərinə hücum edilib.

Mənbənin sözlərinə görə, dünən Marağa şəhərində Darayi küçəsində yerləşən məhkəmə binası da hücuma məruz qalıb. Həmçinin iki gün əvvəl Miyandab (Qoşaçay) və Məlekan şəhərlərində Sepah qüvvələrinə bağlı bəzi mərkəzlər hədəfə alınmışdı.

Başqa bir yerli mənbə də Təbrizdə bəzi hərbi və təhlükəsizlik mərkəzlərinə geniş hücumların həyata keçirildiyini bildirib. Onun sözlərinə görə, bu hücumlar zamanı Təbrizdə Kəşfiyyat Nazirliyinə aid bina, valilik və Varzeş küçəsində yerləşən cinayət axtarış idarəsinin binası hədəfə alınıb.

Məlumata görə, Təbrizin Nəsfe-Rah bölgəsində də bəzi hərbi mərkəzlər vurulub. Həmçinin Bağışimal bölgəsində Sepah qüvvələrinə bağlı mərkəzlərin hücuma məruz qaldığı bildirilir.

Mənbənin sözlərinə görə, Təbrizin Rəşidiyyə məhəlləsində polis qüvvələrinin mərkəzi də hədəfə alınıb və Hafez məhəlləsində yerləşən Aşura diviziyasının kazarmasına hücum edilib.

Məlumatda həmçinin qeyd olunur ki, Təbrizin Qujvar Ağzı bölgəsində yerləşən Sepah kazarması da hücuma məruz qalıb.

Bundan başqa, yerli mənbənin bildirdiyinə görə, Təbrizin Ordu küçəsində yerləşən polis alayının qərargahı və xüsusi təyinatlı qüvvələrin yerləşdiyi məntəqə də hədəfə alınıb.

Eyni zamanda, bu mənbə iddia edir ki, Təbriz hərbi hava limanı ciddi ziyan görüb və Təbriz beynəlxalq hava limanının arxasında, dağlıq ərazilərdə yerləşən bəzi hərbi mərkəzlər də vurulub.

Xəbərin yayımlandığı vaxta qədər yerli və vilayət rəsmiləri bu barədə rəsmi açıqlama verməyib.

 

GünAzTV
R.G

Açar Sözlər :

SEÇİLMİŞ XƏBƏRLƏR

Çox oxunanlar