İran rejimi yenə edam etdi | Etirazçılar asıldı

SON XƏBƏRLƏR

İran rejimi yenə edam etdi | Etirazçılar asıldı

2026.04.05, 09:20

Gunaz.tv

İranda məhkəmə sistemi yanvar ayı etirazlarında saxlanılan daha iki nəfərin edam edildiyini açıqlayıb.

Gunaz TV-nin məlumatına görə, “Mizan” agentliyi bildirib ki, Məhəmmədəmin Beygləri və Şahin Vahedpərəst edam olunub. Rəsmi açıqlamada bu şəxslərin “terror xarakterli iğtişaşlarda” iştirak etdiyi, hərbi obyektə hücum etdiyi və silah əldə etməyə çalışdığı iddia edilib.

Bildirilir ki, hökm İnqilab Məhkəməsinin 15-ci şöbəsində hakim Sələvati tərəfindən çıxarılıb və Ali Məhkəmə tərəfindən təsdiqləndikdən sonra icra olunub.

Bu iş yanvar ayın 8-ində Tehranın şərqində yerləşən bir “Bəsic” bazasının yandırılması hadisəsi ilə bağlıdır. Həmin hadisə üzrə saxlanılan 7 nəfərin hamısı “müharibə aparmaq” ittihamı ilə edama məhkum edilib.

Lakin vəkillər və ailələr rəsmi versiyanı rədd edir. Onların sözlərinə görə, yayılan videolarda mülki geyimli hökumət qüvvələrinin insanları binaya yönləndirdiyi və qapıları bağladığı görünür. Hüquq müdafiəçiləri isə etirafların təzyiq və işgəncə altında alındığını bildirir.

Qeyd edək ki, bu iş üzrə ötən həftə 18 yaşlı Əmirhüseyn Hatəmi də edam edilmişdi.

“Amnesty International” təşkilatı bu hökmləri ədalətsiz adlandıraraq, saxlanılanların işgəncəyə məruz qaldığını və məcburi etiraflar əsasında mühakimə edildiyini açıqlayıb. Təşkilat digər saxlanılanların da edam riski ilə üz-üzə olduğunu vurğulayıb.

GünAzTV
R.G

2026.04.02, 13:39

GUNAZ.TV

SON XƏBƏRLƏR