Wall Street Journal: Trampa İran infrastrukturunun vurulması tövsiyə olunub

SON XƏBƏRLƏR

Wall Street Journal: Trampa İran infrastrukturunun vurulması tövsiyə olunub

2026.04.05, 11:15

Gunaz.tv

ABŞ-da yüksək səviyyəli mənbələrə istinadən bildirilir ki, Donald Trampın müşavirləri İrana qarşı hücumlarda infrastruktur obyektlərinin hədəfə alınmasını “qanuni hərbi hədəf” kimi qiymətləndirib.

Gunaz TV-nin məlumatına görə, Wall Street Journal yazır ki, Trampın yüksək səviyyəli müşavirləri ona elektrik stansiyaları və körpülərin vurulmasının İranın raket və nüvə proqramını iflic edə biləcəyini bildiriblər. Tramp bu arqumenti qəbul edib və çıxışında İranı «daş dövrünə qaytarmaq»la hədələyib.

O, Truth Social platformasında da yazıb ki, Hörmüz boğazı açılmasa, daha ağır hücumlar həyata keçiriləcək.

Məlumata görə, ABŞ qüvvələri cümə axşamı Kərəcin Əzimiyyə bölgəsində yerləşən “B-1” körpüsünü hədəfə alıb. Bu körpü Tehran ilə Kərəc arasında əsas bağlantı xətti idi. İran mediası hücum nəticəsində azı 13 nəfərin öldüyünü bildirib.

Tramp cümə günü səhər açıqlamasında daha sərt hücumların planlaşdırıldığını və bunun 93 milyon insanın həyatına təsir edə biləcəyini deyib.

Wall Street Journal-ın yazdığına görə, bəzi ABŞ rəsmiləri bu mərhələni qeyri-rəsmi olaraq «Epik qəzəb əməliyyatı 2» adlandırır.

Məlumata əsasən, ABŞ-ın müdafiə naziri Pit Heqset Trampı bu addımların hüquqi əsasları ilə bağlı məlumatlandırıb və yolların da hədəfə alına biləcəyini bildirib. Onun sözlərinə görə, İran ordusu bu yollar vasitəsilə raket və pilotsuz aparatların daşınmasını həyata keçirə bilər.

Ağ Ev rəsmilərindən biri əlavə edib ki, elektrik stansiyaları da hərbi hədəf sayılır, çünki onların məhv edilməsi həm ictimai sabitliyi poza, həm də İranın nüvə proqramını çətinləşdirə bilər.

GünAzTV
R.G

GUNAZ.TV

SON XƏBƏRLƏR