Contact Us

SON XƏBƏRLƏR

Almaniyada İrana bağlı hücum riski hökumətin ictimaiyyətə açıqladığından daha ciddi səviyyədədir

2026.05.07, 15:00
Almaniyada İrana bağlı hücum riski hökumətin ictimaiyyətə açıqladığından daha ciddi səviyyədədir

Almaniyada İrana bağlı hücum riski hökumətin ictimaiyyətə açıqladığından daha ciddi səviyyədədir.

Gunaz.tv

Bu "The New York Times" qəzeti yüksək rütbəli Almaniyalı rəsmilərə istinadən məlumat yayıb.

Rəsmilərin sözlərinə görə, dövlət kəşfiyyat qurumları siyasi rəhbərliyi mümkün hücumlar barədə daha sərt və açıq xəbərdarlıqlar verməyə çağırıb.

Almaniya Daxili İşlər Nazirliyinin sözçüsü isə bildirib ki, münaqişə dövründə İran mərkəzli dairələrin bəzi planlar qurmasına dair sübutlar artıb və hakimiyyət Tehrana qarşı tənqidi mövqedə olan şəxslərə qarşı mümkün terror əməliyyatlarını araşdırır.

Yüksək vəzifəli rəsmilər həmçinin qeyd ediblər ki, Avropa kəşfiyyat xidmətləri müharibədən əvvəl Almaniyada fəaliyyət göstərən İranla əlaqəli yeraltı qruplarla bağlı təxminən 50 şübhəli plan aşkarlayıb.

Araşdırmalara görə, Almaniya istintaq orqanları Münhendə keçən ay bir İsrail restoranına edilən hücumda İran proksilərinin rolunu araşdırır. Həmin hücum zamanı naməlum şəxslər restoranın pəncərələrini sındırıb və içəriyə partlayıcı maddələr atıblar.

Məlumata əsasən, Almaniya rəsmiləri həmçinin bildiriblər ki, İran kəşfiyyatçıları bu il Münhendə keçirilən böyük nümayiş zamanı anti-hökumət etirazçılarını hədələyib və onlara qarşı zorakılıq tətbiq ediblər.

Rəsmilər deyiblər ki, Almaniyada İranın əsas hədəflərindən biri yəhudi institutlarıdır və hazırda bu obyektlərdən ikisinin Tehran rəhbərliyi tərəfindən potensial hədəf kimi qiymətləndirildiyi bildirilir.

 

C

Açar Sözlər :

SEÇİLMİŞ XƏBƏRLƏR

Çox oxunanlar