Xəzərdən İrana silah daşınır

SON XƏBƏRLƏR

Xəzərdən İrana silah daşınır

2026.05.11, 11:03

Moskvanın Tehrana hərbi yardımı ifşa olundu.

Gunaz.tv

Gunaz.tv-nin məlumatına görə, "The New York Times" yazıb ki, Rusiya Xəzər dənizi vasitəsilə İrana pilotsuz uçuş aparatları üçün hissələr və hərbi avadanlıqlar göndərərək Tehranın müharibədən sonra PUA imkanlarını yenidən bərpa etməsinə kömək edir.

Amerikalı rəsmilər qəzetə bildiriblər ki, İran son müharibə zamanı PUA ehtiyatlarının təxminən 60 faizini itirib və Rusiyadan göndərişlər davam edərsə, Tehran qısa müddətdə öz pilotsuz aparat parkını yenidən quracaq.

Məlumata görə, Xəzər dənizi xüsusilə Hörmüz boğazının bağlanması və ABŞ-ın İran ətrafında dəniz blokadası tətbiq etməsindən sonra Moskva ilə Tehran arasında strateji daşınma marşrutuna çevrilib.

“The New York Times” həmçinin qeyd edib ki, Rusiya İrana yalnız PUA hissələri deyil, həm də peyk görüntüləri və “Şahid” tipli dronlarla bağlı texnologiyalar təqdim edir. Məqsəd İranın hədəf seçmə və hücum imkanlarını gücləndirməkdir.

Müharibə zamanı İsrail İranın Ənzəli limanı və Xəzər dənizində yerləşən dəniz infrastrukturlarına bir neçə hava zərbəsi endirib. Qərb mediası bu hücumların Rusiya ilə İran arasındakı təchizat xəttini pozmaq məqsədi daşıdığını bildirib.

Buna baxmayaraq, Moskva dəfələrlə İrana hərbi yardım göndərdiyi barədə xəbərləri təkzib edib.

GünAzTV
R.G

GUNAZ.TV

SON XƏBƏRLƏR