Tehran dağıdıcı zəlzələnin astanasındadır?

SON XƏBƏRLƏR

Tehran dağıdıcı zəlzələnin astanasındadır?

2026.05.14, 21:33

9 ardıcıl təkan paytaxtı qorxuya saldı.

Gunaz.tv

Gunaz TV-nin məlumatına görə, Tehranın şərqində yerləşən Pərdis bölgəsində ardıcıl baş verən 9 zəlzələ paytaxtda böyük zəlzələ ehtimalı ilə bağlı narahatlıqları artırıb.

İran mediasının məlumatına əsasən, bu zəlzələlərdən birinin gücü 4.6 bal olub. Məşa fay xəttinə yaxın ərazilərdə təkanlar hiss olunsa da, indiyədək insan itkisi və ya maddi ziyan qeydə alınmayıb.

Mütəxəssislər bildirirlər ki, bu təkanların yığılan enerjinin boşalaraq böyük zəlzələ riskini azaltması, yoxsa Tehran ətrafındakı fay xətlərində seysmik aktivliyin artmasının xəbərdarlığı olması hələ dəqiq bilinmir.

Zəlzələ üzrə mütəxəssis Mehdi Zare xəbərdarlıq edib ki, Tehran üçün təhlükə yalnız aktiv fay xətləri ilə məhdudlaşmır. Əhalinin sıxlığı, geniş tikintilər, zəif infrastruktur və ağır nəqliyyat sıxlığı güclü zəlzələ halında fəlakətin miqyasını daha da böyüdə bilər.

14 milyondan çox əhalisi olan Tehran bir neçə aktiv fay xəttinin yaxınlığında yerləşir və mütəxəssislər illərdir paytaxt yaxınlığında baş verə biləcək böyük zəlzələnin dağıdıcı nəticələri barədə xəbərdarlıq edirlər.

GünAzTV
R.G

2026.05.12, 23:50

GUNAZ.TV

SON XƏBƏRLƏR