Contact Us

SON XƏBƏRLƏR

Marağada böyük yanğın; 13 yanğınsöndürən xəsarət aldı

2026.05.17, 12:20
Marağada böyük yanğın; 13 yanğınsöndürən xəsarət aldı

Gunaz.tv

Şənbə günü Marağa sənaye şəhərciyində yerləşən mühərrik yağı istehsalı zavodunda baş verən genişmiqyaslı yanğın tam şəkildə nəzarət altına alınıb.

Şərqi Azərbaycan valiliyinin Böhran İdarəetmə Baş İdarəsinin rəhbəri Məcid Fərşinin sözlərinə görə, yanğının söndürülməsi əməliyyatında Marağa yanğınsöndürmə qüvvələri ilə yanaşı Əcəbşir və Məlikkənd kimi qonşu şəhərlərdən də dəstək qrupları iştirak edib. Yanğının tam söndürülməsi ilə onun digər bölmələrə və yaxınlıqdakı istehsal sahələrinə yayılmasının qarşısı alınıb.

O bildirib: “Bu hadisə nəticəsində heç bir can itkisi qeydə alınmayıb; lakin yanğının söndürülməsi əməliyyatı zamanı 13 nəfər yanğınsöndürən və xilasedici yüngül xəsarət və tüstüdən zəhərlənmə alıb. Onlar hadisə yerində olan təcili yardım əməkdaşları tərəfindən ambulator şəkildə müalicə olunaraq buraxılıblar.”

Marağadakı bu mühərrik yağı istehsalı zavodu rayonun uğurlu sənaye müəssisələrindən biri hesab olunur. Özəl sektor tərəfindən 2008-ci ildə fəaliyyətə başlayan müəssisə 450 nəfərin məşğulluğunu təmin edir və məhsullarını dünyanın 14 ölkəsinə ixrac edir.

Hadisənin dəqiq başvermə səbəbi və maliyyə zərərinin yekun həcmi ilə bağlı araşdırmalar davam edir.


GünAzTV
R.G

Açar Sözlər :

SEÇİLMİŞ XƏBƏRLƏR

Çox oxunanlar