İran iki qadını yarım əsrlik həbsə məhkum etdi

SON XƏBƏRLƏR

İran iki qadını yarım əsrlik həbsə məhkum etdi

2026.05.23, 14:02

53 illik həbs: iki qadına ağır cəza. Bu iki qadına niyə belə ağır cəza verildi?

Gunaz.tv

Gunaz TV-nin məlumatına görə, Semnan vilayətinin baş ədliyyə rəsmisi Leyla Rəməzani, Kamalın qızı, və Fatimə Məlik Əhmədi, Əhmədin qızı adlı iki qadın barəsində ağır məhkəmə hökmlərinin çıxarıldığını açıqlayıb.

İran məhkəmə hakimiyyətinin yaydığı məlumata əsasən, bu iki qadın İrana müxalif şəbəkələrlə əlaqədə olmaq və görüntü ilə informasiya materialları göndərmək ittihamı ilə saxlanılıblar.

Semnandakı məhkəmə rəsmisi bildirib ki, bu iki nəfər barədə ümumilikdə 53 il həbs hökmü çıxarılıb; onlardan biri 26 il, digəri isə 27 il azadlıqdan məhrum edilib.

Bu ağır hökmlərlə yanaşı, iki qadın üçün əlavə cəzalar da müəyyənləşdirilib. Bunlara dövlət xidmətindən uzaqlaşdırılma, ölkədən çıxış qadağası, siyasi partiyalar və ictimai-siyasi qruplarda üzvlük hüququndan məhrum edilmə daxildir.

Bu hökmlər, insan haqları qurumlarının İranda siyasi və təhlükəsizlik ittihamları ilə mühakimə olunan fəallar, tənqidçilər və vətəndaşlara qarşı ağır cəzalarla bağlı dəfələrlə xəbərdarlıq etdiyi bir dövrdə verilib.

GünAzTV
R.G

GUNAZ.TV

SON XƏBƏRLƏR