Contact Us

SON XƏBƏRLƏR

Qraham İranla mümkün razılaşmanı “kabus” adlandırdı

2026.05.24, 07:59
Qraham İranla mümkün razılaşmanı “kabus” adlandırdı

Gunaz.tv

Gunaz TV-nin məlumatına görə, ABŞ ilə İran arasında mümkün razılaşma ilə bağlı ehtimalların gücləndiyi bir vaxtda, respublikaçı senator və Donald Trampa yaxın simalardan olan Lindsi Qraham bu razılaşmanın mümkün çərçivəsini sərt şəkildə tənqid edib, bunu İsrailin təhlükəsizliyi üçün təhdid adlandırıb və əgər məqsəd razılaşma idisə, ümumiyyətlə niyə müharibənin başladığını soruşub.

Qraham mayın 24-də Donald Trampın “böyük ölçüdə müzakirə olunmuş” adlandırdığı razılaşma ilə bağlı yayılan xəbərlərə reaksiya verərək xəbərdarlıq edib ki, İranın nüvə potensialının tamamilə aradan qaldırılması və ya sərt təhlükəsizlik zəmanətləri olmadan əldə olunacaq istənilən razılaşma bölgədə daha böyük böhrana səbəb ola bilər.

İranla bağlı daha yumşaq siyasətlərin tənqidçisi və İsrailin qatı tərəfdarlarından biri kimi tanınan respublikaçı senator, müzakirə olunan bu prosesi İsrail üçün “kabus” kimi qiymətləndirib və dolayısı ilə son müharibənin legitimliyini sual altına qoyub.

Bu açıqlama Donald Trampın ABŞ, İran və bölgənin bir sıra ölkələri arasında razılaşmanın böyük ölçüdə yekunlaşdığını və son detallərin yaxın zamanda açıqlanacağını bildirməsindən sonra səslənib.

Bu arada, yayılan məlumatlara görə, Mayk Pompeo da daxil olmaqla bəzi digər respublikaçı simalar mümkün razılaşmanın məzmunu ilə bağlı narahatlıqlarını ifadə edib və bunu İrana verilən güzəşt kimi dəyərləndiriblər.

Buna baxmayaraq, mümkün razılaşmanın rəsmi və tam detalları hələ açıqlanmayıb və İranın Vaşinqtonun irəli sürdüyü şərtlərlə, o cümlədən nüvə dosyesi və regional təhlükəsizlik məsələləri ilə bağlı razılaşıb-razılaşmadığı məlum deyil.

 

GünAzTV
R.G

Açar Sözlər :

SEÇİLMİŞ XƏBƏRLƏR

Çox oxunanlar