Oman Hörmüz boğazı ilə bağlı mövqeyini açıqladı

SON XƏBƏRLƏR

Oman Hörmüz boğazı ilə bağlı mövqeyini açıqladı

2026.06.29, 22:22

Oman: Hörmüz boğazından keçən gəmilərdən rüsum almaq niyyətimiz yoxdur.

Gunaz.tv

GunAz TV-nin məlumatına görə, Oman Xarici İşlər naziri bildirib ki, ölkəsi Hörmüz boğazından keçən gəmilərdən yalnız bu marşrutdan istifadə etdiklərinə görə rüsum almaq niyyətində deyil.

Bədr əl-Busəidi bazar ertəsi deyib: “Oman Hörmüz boğazından keçən gəmilərə heç bir keçid rüsumu tətbiq etmək istəmir” və belə bir addımın beynəlxalq qanunlara uyğun olmadığını vurğulayıb.

O əlavə edib ki, Hörmüz boğazında gələcək gəmiçilik qaydaları beynəlxalq hüquqa və azad gəmiçilik prinsiplərinə uyğun olmalıdır.

Oman Xarici İşlər naziri bildirib ki, təhlükəsizliyin artırılması, xilasetmə və çirklənməyə qarşı mübarizə kimi bəzi dəniz xidmətləri üçün ödənişlərin alınması mümkündür, lakin bu ödənişlər yalnız gəmilərin keçidinə görə tətbiq edilməməlidir.

Hörmüz boğazı dünyanın ən mühüm enerji daşıma yollarından biridir və bu marşrutda hər hansı məhdudiyyət qlobal neft bazarına və dünya ticarətinə təsir göstərə bilər.

GünAzTV
R.G

GUNAZ.TV

SON XƏBƏRLƏR