Contact Us

SON XƏBƏRLƏR

Almaniya İranla bağlı mümkün casusluq və hücum hazırlıqları barədə məlumatları araşdırır

2026.07.14, 14:25
Almaniya İranla bağlı mümkün casusluq və hücum hazırlıqları barədə məlumatları araşdırır

Almaniyanın təhlükəsizlik orqanları İranla bağlı müharibə fonunda mümkün casusluq fəaliyyəti və hücum hazırlıqlarına dair məlumatları araşdırır.

Gunaz.tv

Bu barədə Almaniyanın Handelsblatt qəzeti Daxili İşlər Nazirliyinə istinadən məlumat yayıb.

Nazirliyin sözçüsü bildirib ki, federal təhlükəsizlik qurumları Yaxın Şərqdə baş verən hadisələri yaxından izləyir və mümkün kəşfiyyat fəaliyyəti və ya hücum hazırlıqları ilə bağlı müxtəlif məlumatları araşdırır.

Onun sözlərinə görə, Almaniyanın təhlükəsizlik qurumları təhdid mühitini davamlı qiymətləndirmək məqsədilə ölkənin regional hakimiyyət orqanları və beynəlxalq tərəfdaşlarla sıx əməkdaşlıq edir.

Araşdırmalar İranın "qisas siyahısı" adlandırılan siyahının dərc edilməsindən sonra başlayıb. Həmin siyahıda Almaniya kansleri Fridrix Merts də daxil olmaqla bir sıra xarici liderlər hədəf kimi göstərilib.

Nazirlik bildirib ki, sözügedən paylaşım və oradakı təhdidlər nəzərə alınıb. Federal Kriminal Polis İdarəsi (BKA) tərəfindən təmin edilən təhlükəsizlik tədbirləri isə davamlı olaraq yenidən qiymətləndirilir və zərurət yarandıqda gücləndirilir.

Bəyanatda Livanın Hizbullah hərəkatı, Fələstinin HƏMAS qruplaşması və Yəməndəki husilər Tehranın "Müqavimət Oxu"na daxil olan qüvvələr kimi göstərilib.

Şənbə günü Tehran bələdiyyəsinə bağlı Hamşəhri qəzeti Almaniya kansleri Fridrix Merts də daxil olmaqla 13 dünya liderinin fotosunu dərc edərək onların İslam Respublikasının "qisas siyahısı"nda olduqlarını iddia etmişdi.

 

C

Açar Sözlər :

SEÇİLMİŞ XƏBƏRLƏR

Çox oxunanlar