Britaniya da bazalarını ABŞ ordusuna açdı

SON XƏBƏRLƏR

Britaniya da bazalarını ABŞ ordusuna açdı

2026.07.21, 20:34

Əvvəllər Bolqarıstanın da hərbi bazalarını ABŞ ordusunun istifadəsinə verdiyi bildirilmişdi.

Gunaz.tv

Gunaz TV-nin məlumatına görə, Böyük Britaniyanın yeni hökuməti əvvəlki hökumətin siyasətini davam etdirərək ABŞ-ın bu ölkənin hərbi bazalarından İrana qarşı əməliyyatlar üçün istifadə etməsinə razılıq verib.

Bloomberg agentliyinin yaydığı məlumata görə, Böyük Britaniyanın yeni baş naziri Endi Bernhem Londonun “müdafiə xarakterli əməliyyatlar” adlandırdığı missiyalar çərçivəsində ABŞ-a Britaniya hərbi bazalarından istifadə icazəsi verib və bununla da Keir Starmer hökumətinin siyasətini davam etdirib.

Məlumata əsasən, Böyük Britaniya hökuməti Hind okeanındakı Dieqo Qarsiya hərbi bazasını və İngiltərənin Qlosterşir bölgəsində yerləşən RAF Fairford aviabazasını ABŞ hərbi təyyarələrinin istifadəsinə verəcək. Bu təyyarələr İranın raket təhdidlərinə qarşı əməliyyatlarda və Hörmüz boğazı ilə bağlı missiyalarda istifadə olunacaq.

Bloomberg məlumatlı mənbələrə istinadən yazır ki, Britaniya hökumətinin yüksək vəzifəli rəsmiləri keçirdikləri iclasda ABŞ-la İran məsələsində mövcud hərbi əməkdaşlıq siyasətinin dəyişdirilmədən davam etdirilməsi barədə qərar qəbul ediblər.

GunAz TV
R.G

2026.07.21, 17:23

GUNAZ.TV

SON XƏBƏRLƏR