Qətər üç iranlı pilotun əsir götürülməsi iddiasını rədd etdi

SON XƏBƏRLƏR

Qətər üç iranlı pilotun əsir götürülməsi iddiasını rədd etdi

2026.08.15, 23:00

Gunaz.tv

Qətər İranın üç iranlı pilotun əsir götürülməsi ilə bağlı iddiasını qəti şəkildə rədd edib və bildirib ki, Tehran axtarış-xilasetmə əməliyyatının araşdırılması üçün Dohanın dəvətinə cavab verməyib.

Qətər Xarici İşlər Nazirliyinin sözçüsü Macid əl-Ənsari bildirib ki, İran qırıcılarının Qətərin hava məkanına daxil olmasından və hücum istiqamətinin müəyyənləşdirilməsindən sonra pilotlarla əlaqə yaradılıb. Lakin əlaqə kəsildikdən sonra Qətər ərazisini müdafiə etmək üçün tədbirlər görüb.

O bildirib ki, bu məsələ həmin vaxt rəsmi kanallar vasitəsilə İrana çatdırılıb. Qətərin axtarış-xilasetmə qrupları da pilotların qalıqlarının tapılması üçün əməliyyat keçirib. Onun sözlərinə görə, pilotlardan birinin qalıqları tapılıb.

Əl-Ənsari əlavə edib ki, Qətər aprel ayında İranı axtarış-xilasetmə əməliyyatının təfərrüatlarını araşdırmaq üçün Dohaya nümayəndə heyəti göndərməyə dəvət edib. Lakin Tehran indiyədək bu dəvətə cavab verməyib.

Bu açıqlamalar İran Silahlı Qüvvələri Baş Qərargahının İtkinlərin Axtarışı Komitəsinin üç iranlı pilotun martın 2-dən Qətərdə “əsir götürüldüyünü” iddia etməsindən sonra verilib.

İranın versiyasına görə, iki Su-24 qırıcısının dörd pilotu təyyarələrin vurulmasından sonra katapult ediblər. Pilotlardan biri, Məcid Kazımi, ölüb. Digər üç pilot – Cavad Salehi, Əbdülməcid Dəştiyan və İmran Bəruşyan isə İranın iddiasına görə, Qətər qüvvələri tərəfindən sağ olaraq əsir götürülüblər.

GünAz TV
R.G

2026.08.15, 15:27

GUNAZ.TV

SON XƏBƏRLƏR