Contact Us

SON XƏBƏRLƏR

ABŞ generalın 10 günlük Yaxın Şərq səfəri başa çatdı

2026.08.16, 17:10
ABŞ generalın 10 günlük Yaxın Şərq səfəri başa çatdı

Gunaz.tv

ABŞ Mərkəzi Komandanlığı (CENTCOM) general Bred Kuperin Yaxın Şərqə 10 günlük səfərini başa vurduğunu açıqlayıb. Səfər çərçivəsində Kuper altı ölkəyə və Ərəb dənizində fəaliyyət göstərən ABŞ Hərbi Dəniz Qüvvələrinə məxsus bir təyyarədaşıyan gəmiyə baş çəkib.

Bred Kuper səfər zamanı Bəhreyn, İraq, İsrail, İordaniya, Səudiyyə Ərəbistanı və Birləşmiş Ərəb Əmirliklərinin yüksək səviyyəli mülki və hərbi rəsmiləri ilə görüşüb. O, həmçinin bölgədə yerləşən ABŞ hərbçiləri ilə görüşlər keçirib.

Hazırda Yaxın Şərqdə müxtəlif missiyaları həyata keçirən və dəstəkləyən 50 mindən çox ABŞ hərbçisi fəaliyyət göstərir.

Kuper dənizdə olduğu müddətdə bu il ikinci dəfə “USS Abraham Lincoln” təyyarədaşıyan gəmisində xidmət edən dənizçilər və dəniz piyadaları ilə görüşüb. O, daha əvvəl fevral ayında ABŞ-ın xüsusi sülh missiyaları üzrə nümayəndəsi Stiv Uitkoff və Jared Kuşnerlə birlikdə bu təyyarədaşıyan gəmiyə baş çəkmişdi.

Kuper “Abraham Lincoln” gəmisində hərbçilər qarşısında çıxışında gəminin Yaxın Şərqdəki missiyasını “müasir dövrün ən fəal və ən mühüm əməliyyat missiyalarından biri” adlandırıb.


GünAz TV
R.G

Açar Sözlər :

SEÇİLMİŞ XƏBƏRLƏR

Çox oxunanlar