SEPAH üzvü Kanadadan qovulmaq ərəfəsində

SON XƏBƏRLƏR

SEPAH üzvü Kanadadan qovulmaq ərəfəsində

2026.08.26, 22:34

İranın keçmiş sənaye nazirliyi rəsmisi SEPAH-la əməkdaşlıq etməkdə və İranın silahlı qüvvələri ilə bağlı qrupların maliyyələşdirilməsində rol almaqda ittiham olunur.

Gunaz.tv

GunAz TV-nin məlumatına görə, Kanada Sərhəd Xidmətləri Agentliyinin sənədlərində hazırda Torontoda yaşayan İranın keçmiş Sənaye, Mədən və Ticarət Nazirliyi rəsmisi Abbas Omidinin İranın mədən gəlirlərində və müttəfiq qrupların maliyyələşdirilməsində əsas rol oynadığı iddia edilir.

Sənədlərə əsasən, 56 yaşlı Omidi 2022-ci ildə turist vizası ilə Kanadaya daxil olub və nazirlikdə direktor müavini vəzifəsində çalışdığı dövrdə hərbi strukturlar və SEPAH ilə əməkdaşlıq edib.

Kanada Sərhəd Xidmətləri Agentliyi İran iqtisadiyyatında mədən sektorunun mühüm paya malik olduğunu və SEPAH-ın Hizbullah, HƏMAS və Fələstin İslami Cihadı kimi qrupların maliyyələşdirilməsində bu sektordan əldə olunan gəlirlərə güvəndiyini bildirib.

Hesabatda Omidinin İran hökumətinin mədən gəlirlərinin davam etdirilməsi, eləcə də hərbi strukturların və terror fəaliyyətlərinin maliyyələşdirilməsindəki rolu “həyati əhəmiyyətli” kimi qiymətləndirilib.

Omidinin Kanadadan deportasiya olunması ilə bağlı məhkəmə prosesi mart ayından İmmiqrasiya və Qaçqınlar Şurasında davam edir. O, 2022-ci ildən etibarən Kanadada müəyyən edilən İran rejiminin yüksək səviyyəli vəzifələrində çalışmaqda şübhəli bilinən 37 nəfərdən biridir.

Onun deportasiya edilib-edilməyəcəyi ilə bağlı yekun qərarın bu ilin payızında açıqlanması gözlənilir.

GunAz TV
R.G

2026.08.18, 19:53

GUNAZ.TV

SON XƏBƏRLƏR