Contact Us

SON XƏBƏRLƏR

İraqiçi: ABŞ enerji bazarını manipulyasiya edir

2026.08.29, 16:35
İraqiçi: ABŞ enerji bazarını manipulyasiya edir

İranın xarici işlər naziri Abbas İraqiçi ABŞ hökumətindəki bəzi qüvvələrin mediadan istifadə etməklə enerji bazarına və qiymətlərə təsir göstərməyə çalışdığını iddia edib.

Gunaz.tv

İraqiçi şənbə günü “X” sosial şəbəkəsində yazıb: “Əldə etdiyimiz məlumatlar enerji bazarlarını manipulyasiya etmək üçün genişmiqyaslı cəhdlərin davam etdiyini göstərir” və bəzi ABŞ hökuməti dairələrinin “şəxsi mənfəət” üçün mediadan istifadə etdiyini iddia edib.

O, heç bir sübut təqdim etmədən bu şəxsləri “İsraillə eyni mövqedə olan qüvvələr” adlandırıb və onların Donald Trampı, onun sözlərinə görə, “uduzmaqda olduğu” müharibədə saxlamağa çalışdıqlarını iddia edib.

Bu açıqlamalar ABŞ rəsmilərinin Körfəzdən neft axınının artdığını və Hörmüz boğazında gəmi hərəkətinin yaxşılaşdığını bildirdiyi bir vaxtda səslənib.

Neftin qiyməti də son günlərdə ucuzlaşıb. “Brent” markalı neft cümə günü bir barel üçün təxminən 89 dollar qiymətində bağlanıb və bir həftə ərzində 5 faizdən çox ucuzlaşıb. Bununla belə, neftin qiyməti müharibə başlamazdan əvvəlki səviyyədən hələ də yüksəkdir.

 

 

GünAz TV
R.G

Açar Sözlər :

SEÇİLMİŞ XƏBƏRLƏR

Çox oxunanlar