İranda daxili təyyarə biletləri 45 faiz bahalaşıb

SON XƏBƏRLƏR

İranda daxili təyyarə biletləri 45 faiz bahalaşıb

2026.10.24, 19:44

Tehran–Məşhəd reysi üzrə biletin qiyməti 17 milyon tümənə çatıb.

Gunaz.tv

İranın Aviaşirkətlər Assosiasiyasının rəhbəri Məcid Əxlaqi ölkədaxili uçuşlar üzrə təyyarə biletlərinin qiymətinin 45 faiz artırıldığını açıqlayıb. Onun sözlərinə görə, Tehran–Məşhəd marşrutu üzrə biletin maksimal qiyməti 17 milyon tümənə çatıb.

Əxlaqi bildirib ki, Aviaşirkətlər Assosiasiyası tərəfindən elan olunan qiymətlər yuxarı həddi müəyyən edir və aviaşirkətlər bu məbləğdən artıq qiymət tətbiq edə bilməzlər.

Assosiasiya rəhbərinin sözlərinə görə, elan edilən qiymətlər bazardakı faktiki satış qiymətlərini əks etdirməyə bilər. Praktikada təyyarə biletləri, adətən, müəyyən edilmiş maksimal qiymətdən daha aşağı qiymətə satılır.

İranda daxili uçuşlar üzrə təyyarə biletlərinin qiymətinin 45 faiz artırılması nəqliyyat və səyahət xərclərinin əhali üçün daha da ağırlaşdığı bir vaxtda baş verib.

GunAz TV
R.G

GUNAZ.TV

SON XƏBƏRLƏR