Tanınmış fəal Abbas Lisaninin azərbaycanlı fəallara açıqlaması

SON XƏBƏRLƏR

Tanınmış fəal Abbas Lisaninin azərbaycanlı fəallara açıqlaması

2021.10.20, 07:36

Gunaz.tv

GünAz TV: Tanınmış azərbaycanlı milli-mədəni fəal Abbas Lisani İran şəhərlərində baş verən etiraz aksiyaları ilə əlaqədar azərbaycanlı fəallara müraciət edib.

“Özgürlük adı ilə” başlayan müraciətdə bildirilir ki, "hazırda İranda gedən ictimai-siyasi hadisələri müxtəlif aspektlərdən analiz etmək mümkündür, lakin bu mərhələdə bizə düşən ən önəmli məsuliyyət prosesi izləmək, hadisələrin Azərbaycanda təsir dairəmizdən çıxmasına imkan verməmək və hadisələri düzgün istiqamətə yönəltməkdir. Bəzi opozisyon adlanan siyasi cərəyanlar, yanlış və şovinizm siyasəti nəticəsində Azərbaycanda yaranan iqtisadi fəlakəti vasitə kimi istifadə edərək fars rasizminin qeyri-fars millətlərinə etdiyi zülm və ayrı-seçkilik siyasətini gözardı etməyə çalışır. Onlar elə göstərmək istəyir ki, sankı İranda bütün millətlərə eyni səviyyədə zülm olub və s. Öz projeləri uğrunda Azərbaycandan vasitə kimi istifadə etmək istəyənlər Azərbaycan türk millətinin haqlı istəklərini bu şübhəli dalğanın içində itirməyi planlaşdırır."

Tanınmış fəal sözünün davamında vuğulayıb ki, hadisələr anti-türk cərəyanların istədiyi istiqamətə yönələ bilməz.

“Artıq Hərəkatın yetirdiyi oyanıq və iş bilən oğul və qızlarımız var. Onlar prosesi diqqətlə izləyib bütün məkrli planları zərərsizləşdirəcəklər. Biz hələ ki, heç bir aksiyanın təşəbbüskarı deyilik. Ancaq Azərbaycanda olan iqtisadi gərginlik vəya mətbuatın təbliği nəticəsində Azərbaycanda baş verə biləcək mümkün nümayişləri diqqətdə saxlayıb, millətimizlə çiyin-çiyinə nəyin bahasına olursa-olsun aksiya və onun şüarlarını milli istəklərimizin doğrultusunda irəli aparıb, prosesin bu istiqamətdə getməsinə şərait yaratmalıyıq. Bu gün aksiyaları Azərbaycana daşımaq istəyənlərin bir neçə hədəfi var. O hədəflərdən biri mərkəzdə istifadə olunan şüar və ədəbiyyatı Azərbaycan şəhərlərinin etirazına calayaraq Azərbaycan türk milləti haqda dünya ictimaiyyətində fərqli bir təsəvvür yaratmaqdır. Ona görə də biz fəallar bütün prosesi nəzarətdə saxlayıb, bizə qarşı olan planları onların öz əleyhinə və millətimizin xeyirinə çevirməliyik.

Bütün hallarda bugünkü mövqeyimiz hər an dəyişə bilər və Milli Hərəkat bir yumruq kimi dərhal reaksiya mövqeyindən birbaşa əmələ keçə bilər.”- deyə A.Lisani açıqlamasının bir hissəsində qeyd edib.

31.12.2017

N.S

GUNAZ.TV

SON XƏBƏRLƏR