Contact Us

SON XƏBƏRLƏR

Kəleybər Məhkəməsi 3 azərbaycanlı fəal barəsində qiyabi olaraq çıxardığı qərarı olduğu kimi qüvvədə saxlayıb – Sənəd

2021.10.20, 07:36
Kəleybər Məhkəməsi 3 azərbaycanlı fəal barəsində qiyabi olaraq çıxardığı qərarı olduğu kimi qüvvədə saxlayıb – Sənəd

Gunaz.tv

GünAz TV: Kəleybər Məhkəməsi azərbaycanlı fəallar Milad Əkbəri, Əkbər Cahangiri və Murtaza Pərvin barəsində qiyabı olaraq çıxardığı həbs və şallaq hökmünü olduğu kimi qüvvədə saxlayıb.

 

Fəallar, Kəleybər Məhkəməsinin 101-ci Şöbəsi qiyabi olaraq hökm çıxardığına görə, elə həmin məhkəməyə etiraz bildirib, müdafiə mətnlərini (mətn türk dilində yazılıb) aprelin 4-də hakimə təqdim etmişdilər. Lakin onların etirazı təmin olunmayıb, qərar yenidən təsdiqlənib.

 

Məhkəmə aprelin 5-də çıxardığı qərarda fəalların bəraət qazanmaq üçün qaneedici dəlil göstərmədiklərini bildirib.

 

Fəallar 20 gün ərzində Şərqi Azərbaycan Apelyasiya Məhkəməsinə müraciət edərək qərara etiraz edə bilərlər.

 

Kəleybər Məhkəməsinin 101-ci Şöbəsi İslam Cəza Qanununun 618-ci maddəsini rəhbər tutaraq fevralın 4-də çıxardığı hökmdə adı çəkilən fəalların hər birini 4 ay həbs və 40 şallaq zərbəsinə məhkum edib. Onlar “Babək qalasında qanunsuz toplaşmaq və qeyri-ənənəvi şüarlar səsləndirməklə ümumi asayişi pozmaq” kimi qondarma ittihamla üzləşiblər.

 

Hökmə əsasən fəalların hər biri 18 milyon rial ödəyərsə, həbs cəzası cərimə cəzası ilə əvəzlənəcək. Əks halda onların hər biri 4 ay müddətinə həbs olunmalıdır.

 

Qeyd etmək lazımdır ki, mədəni və siyasi hüquqlara dair beynəlxalq konvensiyada insan qüruruna toxunan şallaq kimi təhqiramiz cəza növləri qadağan edilib.

 

2017-ci il iyunun 30-da Azərbaycanın tarixi və milli qəhrəmanı Babək Xürrəmdinin ənənəvi ad günü mərasimi üçün Babək qalasına (Bəzz qalası) yürüş edən çox sayda milli-mədəni fəal, rejimin Azərbaycan əleyhinə həyata keçirdiyi ayrı-seçkilik siyasətinə etiraz etməklə yanaşı azərbaycanlı siyasi məhbuslar, o cümlədən mühəndis Siyamək Mirzayinin  azadlığa buraxılmasını tələb etmişdilər. M.Əkbəri, Ə.Cagangiri və M.Pərvin həmin mərasimdə daha 10 fəalla birlikdə saxlanılaraq zindana aparılıb, sonra müvəqqəti olaraq azadlığa buraxılmışdır.

 

 

 

N.S

 

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar