Contact Us

SON XƏBƏRLƏR

Rejim ərəb əhalinin yaşadığı kəndi məişət tullantılarının atıldığı bölgəyə çevirib

2021.10.20, 07:36
Rejim ərəb əhalinin yaşadığı kəndi məişət tullantılarının atıldığı bölgəyə çevirib

Gunaz.tv

GünAz TV: İran rejiminin ərəb əhalinin yaşadığı Xuzistan əyalətinin Karun rayonunun Qala Çənan kəndini məişət tullantılarının toplandığı bölgəyə çevirməsi insanlar arasında etiraza səbəb olub.

 

Kənd sakinləri bildirirlər ki, uzun illərdir Kut Abdullah şəhərinin bələdiyyəsi həmin şəhərin məişət və xəstəxana tullantılarını Qala Çənanda, insanların qapısı ağzında yaratdığı yerə boşaldır. Bu isə əhali arasında kəskin infeksiyon xəstəliklərin yayılmasına və digər narahatlıqlara səbəb olur.

 

Kəndin əhalisi insanların qapısı ağzında təşkil edilmiş məişət tullantıları bölgəsinin təcili olaraq ləğv edilməsi və təmizlənməsini tələb edirlər. Məişət tullantıları kənddə təqribən 4 hektardan böyük bir ərazini əhatə edir.

 

Kut Abdullah şəhərinin bələdiyyə sədri Nəvvab Haciyan isə Qala Çənan kəndinin sakinlərinin etirazlarını qəribə formada şərh edib. O iddia edib ki, kəndin "bir qrup" sakini məişət tullantılarının toplandığı əraziyə göz dikiblər və onun ləğv edilməsindən sonra həmin torpaqları "ələ keçirmək" istəyirlər. Bələdiyyə sədri həmçinin sözügedən bölgənin 20 gün ərzində tam təmizlənəcəyinə söz verib.

 

Karun rayonunun icra başçısı Məsumə Xənfəri isə əhalinin narazılığından xəbərdar olduqlarını, lakin problemi həll etmək üçün Kut Abdullah bələdiyyəsinin kifayət qədər maliyyə vəsaitinin olmadığını deyib. O həmçinin iddia edib ki, sözügedən bölgə orada çoxdan var, lakin daha sonra insanlar həmin əraziyə yaxın yerlərdə "qanunsuz evlər" tikiblər.

 

Bununla belə, Karun Ekologiya İdarəsinin rəhbəri Abbas Zahiri qeyd edilən məişət tullantıları bölgəsinin yaradılmasına görə Kut Abdullah bələdiyyəsindən hüquq mühafizə orqanlarına şikayət etdiklərini bəyan edib. O bildirib ki, bu ərazi müvəqqəti olaraq məişət tullantılarının yandırılması üçün nəzərdə tutulmuşdu, oranın məişət tullantılarının toplanması üçün istifadəsi qanunsuzdur.

 

Ə.A

 

 

 

 

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar