GünAzTv: Oktyabrın 26-da Ermənistannın baş naziri Tiqran Sarqsyanın İrana səfəri başa çatıb. Səfər çərçivəsində o, İslam Respublikasının bir sıra rəsmiləri, o cümlədən ölkə prezidenti Mahmud Əhmədinejadla görüşüb.

Hökumət başçısının birinci müavini Məhəmmədrza Rəhimi görüşün nəticəsi olaraq bildirib ki, iki ölkənin dəmiryol xəttlərinini biri-birinə birləşdirilməsi İslam Respublikası ilə Ermənistan arasında münasibətlərin genişlənməsinə yardım edəcək. «Bunun la da İranla qonşu ölkələr arasında böyük bir tranzit şəbəkəsi yarancaq. Nəticədə Ermənistan da İran vasitəsi ilə qonşu ölkələrlə əlaqə qura biləcək»-deyə, prezidenti birinci müavini söyləyib.

Rəhimi deyib ki, tarix boyu ermənilərlə İran arasında yaxşı münasibətlər olub: “İranla Ermənistan arasındakı münasibət həmişə dostluğa əsaslanıb. Elə buna görə də, iki ölkə arasında əlaqələri və müxtəlif sahələrdə birgə əməkdaşlığı genişləndirmək üçün çalışmaq lazımdır.

İran bütün sahələrdə, o sıradan da iqtisadiyyat, ticarət sahələrində, ictimai- siyasi sahələrdə dost və qonşu Ermənistanla münasibətləri genişləndirməyə hazırdır. Bu isə qarşılıqlı müqavilələrin icrasını sürətləndirməkdən asılıdır. Hesab edirəm ki, İranla Ermənistan bir-biri ilə ticarət mübadiləsini bu iki ölkənin öz valyutaları ilə həyata keçirə bilər. Bu isə hər iki ölkənin milli pulunun dəyərinin qalxmasına yardım edə bilər”.

Ermənistanın baş naziri İran ermənilərinə müxtəlif sahələrdə münasib şərait yaradıldığına görə Məhəmmədrza Rəhimiyə təşəkkürünü bildirərək müxtəlif sahələrdə əməkdaşlığının genişləndirilməsinin zəruri olduğunu vurğulayıb: “Hər iki ölkə ortaq əməkdaşlıq üçün böyük  potensiala malikdir. Bu hər iki xalq üçün də  xeyirlidir”.

Əhmdinejadın müavini Məhəmmədrza Rəhimi bildirib ki, İranla Ermənistan arasında ticarət dövriyyəsini bir milyard dollara çatırdırmaq niyyətindədirlər. Onun sözlərinə görə, hazırda ölkələr arasında ticarət dövriyyəsi 400 milyon dollar təşkil edir.

«4 strateji layihəmiz – İran-Ermənistan neft terminalı, dəmiryol xəttinin birləşdirilməsi, üçüncü elektrik xətti, Araz üzərinjə Su Elektrik Stansiyası gerçəkləşmək üzrədir»-deyə,M.Rəhimi söyləyib.

GünAzTV-nin «İRNA»-ya istinadən məlumatına görə, M.Əhmədinejad erməni baş nazirlə görüşündə deyib ki, iki ölkənin həmrəyiliyi və biri-birinə bağlılığı çeşidli sahələr üzrə qarşılıqlı münasibətləri inkişaf etdirməyə imkan verir.

İran xalqı adından danışan Əhmədinejad deyib : «İran xalqı tərəqqisini özününkü sayan dostu Ermənistanla təcrübəsini bölüşməyə həmişə hazırdır. Ticarət, nəqliyyat energetika sahələrinə birgə sərmayə qoyuluşu, əməkdaşlığın genişləndirilməsinin artması xalqlarımız arasında münasibətin inkişafına və uzunömürlülüyünə təsir göstərəcək».

İslam Respublikasının rəhbərliyi özünü «boğulan meymun» kimi aparır («Su meymunun boğazına çıxanda, balasını boğub ayağının altına qoyar»). Başqa sözlə  müsəlman dünyasının

birləşməsindən danışıb, iddialı bəyanatlar verən İran hakimiyyəti elə bir günə düşüb ki, dönərli valyuta olmayan erməni dinarı ilə alver etməyi də özünə ar bilmir. Birincisi, adi maliyyəçiyə də məlumdur ki, ermənin bu pulunu sonradan dönərli valyutaya çevirməkdən ötrü Tehran hakimiyyəti bir xeyli itirəcək. İkinci, İslam Konfrası Təşkilatında bəlağətlə danışıb, Azərbaycan torpaqlarını işğal edən Ermənistanın təcavüzkar olduğunu bəyan edən İslam Respublikasının rəhbərliyi sözünün üstündə durmamaqla etibarsızlığını nümayiş etdirir. Üçüncüsü, elə günə düşüb ki, işğalçı ölkənin «tərəqqisini» «özününkü» sayır. Dördüncüsü, 35 milyonluq Güney Azərbaycana sayğısızlıq göstərməklə türk düşməni olduğunu bir daha sübut edib. Beşincisi, İslam Respublikasının prezidenti, ermənini təmsil etdiyi hakimiyyət dost sayan Mahmud Əhmədinejad Bakıya zansı üzlə səfər edir. Axı, o işğalçının tərəqqisini İranını tərəqqisi sayır….

Sədrəddin Soltan