Dünya Türk Forumu hər il keçiriləcək

SON XƏBƏRLƏR

Dünya Türk Forumu hər il keçiriləcək

2021.10.20, 07:36

Gunaz.tv

GünAzTv: İstanbulda keçirilən Dünya Türk Forumu yekun qətnamənin qəbulu ilə başa çatıb. Forumda Dünya Türk Forumunun hər il keçirilməsi qərara alınıb.

İstanbulda Türk-Asiya Strateji Araşdırmalar Mərkəzinin (TASAM) təşkilatçılığı, Türkiyə Cunhuriyyətinin BaşBakanlığı və Azərbaycan Respublikası Diasporla İş üzrə Dövlət Komitəsinın dəstəyi ilə keçirilmiş "Türk Şurası, türk diasporu və sosial-iqtisadi əməkdaşlıq" mövzusunda Dünya Türk Forumu başa çatıb. Bu barədə bazar ertəsi Trend-ə Diasporla iş üzrə dövlət komitəsinin mətbuat xidmətindən daxil olan məlumatda deyilir.

Forum yekun qətnamənin qəbulu ilə başa çatıb. Qətnaməyə görə, Dünya Türk Forumu iştirakçıları arasında səmərəli ünsiyyəti təmin etmək məqsədilə Azərbaycan, türk, ingilis, özbək, qırğız, türkmən dil və ləhcələrində ortaq internet portalı yaradılması nəzərdə tutulub. Bundan başqa sənədə əsasən "Ağsaqqallar qrupu" və "Ağ Təmas Qrupu" adlı iş qrupları yaradılacaq. Bu qruplar ildə azı bir dəfə toplanaraq zəruri məsələləri müzakirə edəcək, ildə bir dəfə düzənlənəcək Dünya Türk Forumunun əlaqələndirilməsi və gündəminin hazırlanması məsələlərini müzakirə edəcəklər. Dünya Türk Forumunun baş katibliyi İstanbulda yerləşəcək.Dünya Türk Forumu İstanbulda 20-22 oktyabr tarixlərində keşirilib. 60 ölkədən türk dünyası və diasporlarının nümayəndələrinin iştirak etdiyi tədbirə Diasporla İş üzrə Dövlət Komitəsinin sədrinin rəhbərlik etdiyi Dövlət Komitəsinin nümayəndə heyəti, Azərbaycan millət vəkilləri, alimləri və bir neçə ictimai təşkilatın rəhbəri, həmçinin fəal diaspor təşkilatlarımızın rəhbərləri qatılıblar.

GUNAZ.TV

SON XƏBƏRLƏR