GünAzTv: Bu gün, oktyabrın 25-də Ermənistanın baş naziri Tiqran Sarqsyan İran prezidentinin müavini Məhəmmdrza Rəhiminin dəvəti ilə İslam Respublikasına ikigünlük səfər edib.

Səfər zamanı onu hökumət aparıtının rəhbəri David Sarkisyan, energetika və təbbi ehtiyatlar naziri Armen Movsisiyan, təhsil və elm naziri Armen Aşotyan, iqtisadiyyat naziri Nerses Yeritsyan, səhiyyə naziri Arutün kuşkuyan, kənd təsərrüfatı naziri Gerasim Alaverdyan, diaspor naziri Hranuş Akopyan, xarici işlər nazirinin müavini Arman Kirokosyan, mülki aviasiya  idarəsinin başçısı Artyem Movsisiyan, iş adamları və başqa rəsmilər müşayiət edib.

Ermənistan İranla əməkdaşlığı genişləndirmək niyyətindərdir. Hətta yaxın zamanlarda bu ölkə İslam Respublikasına şəkər belə satmağı planlaşdırır.

Ötən gün isə Ermənistan prezidenti Serj Sarqsyan ölkənin Şirak əyalətinə səfəri çərçivəsində Axuriandakı şəkər zavodunda olub. Bu müəssisə Cənubi Amerika ölkələrindən yarımfabrikat halında idxal olunan şəkərdən uyğun məhsul emal eir. İndiyə kimi 17 min ton belə məhsuldan şəkər istehsal edilib.

2006-cı ildə tikintisinə başlanınlan zavodun inşası 102 milyon dollara başa gəlib.

GünAzTV-nin «panarmenian»-ya istinadən məlumatına görə, müəssisənin avadanlığı əsasən, Çexiyadan, eləcə də Almaniya, Danimarka, Fransa, Ukrayna və Rusiyadan gətirilib.

Gürcüstan artıq bu zavoddan 1,5 ton şəkər tozu alıb, İranla da satışla bağlı danışıqlar aparılır. Gündə bu müəssisədə 800 ton qənd istehsal olunur, onun 90 tonu isə daxili bazarda satılır.

Bu yaxınlarda İran-Ermənistan neft kəməri tikintisinin Yerevan tərəfindən dayandırıldığı haqda xəbərlər yayılıb.

GünAzTV-nin «regnum»-a istinadən məlumatına əsasən, Ermənistanın energetika nazirinin müavini Ara Simonyan ölkə məclisində 2011-ci ilin dövlət büdcəsinin müzakirəsi zamanı deyib ki, İran-Ermənistan neft kəməri tikintisinin yaxın iki il ərzində başa çatırılıması planlaşdırılır. O, qeyd edib ki, bu kəmərlə İslam Respublikasından neft məhsullarının ölkəsinə ixracı mümkündür. Müavin 2010-cu ilin sonunda  kəmərin tikintisinə başlanılacağını bildirib.

Onun sözlərinə görə, hazırda Təbriz-Ararat neft kəmərinin tikintisi ilə bağlı məsələ gündlikdədir. Bunun 110 km İran, 265 km isə Ermənistanın ərazisindən keçəcək. «8 dyumluq diametrində olan bu kəmər Enmənistanın neft məhsullarına olan ehtiyacını 2037-ci ilədək bütövlükdə təmin edə bilər»-deyə, Simonyan söyləyib.

Energetika naziri arzularını deməyi unutmayıb : «Neft emalı zavodu tikildikdən sonra Ermənistandan da neft ixrac etmək olar».

Tikintisi planlaşdıralan belə zavoddan danışan nazir müavini, bu layihənin üç tərəfli proqram olduğunu bildirərək, deyib : «2007-ci ildə Ermənistanın Energetika Nazirliyi, «Qazprom» və İranın Neft Nazirliyi arasında danışıqlara başlanılıb. Başlıca problem həmin xəttin uzun müddətə xammalla doldurulmasının təmin edilməsidır. Bu probelm olaraq, qalmaqdadır».

Simonyanın sözlərinə görə, bir neçə milyard dollarlıq layihə iqtisadi böhran üzündən təxirə salınıb.

Nazir müavini bildirib ki, birinci mərhələdə İrandan Ermənistana hazır neft məhsulu ixracını gerçəkləşdiriləcək, bununla yanaşı neft emalı zavodunun tikintisi gündəlikdən çıxarılmayıb. Sədrəddin Soltan