GünAzTv: Ermənilər İslam Respulikasını, Tehran hakimiyyətində təmsil olunanların və ermənilərin fars soylu olduğunu iddia edib, onlara himayədarlıq edənlərin erməniləri tərifləməkdən çox güman ki, dil-dodağı döyənək olub.

Bu günlərdə Ermənistan Mədəniyyət Nazirliyi yanında mədəni – tarixi irsi elmi-araşdırrma mərkəzinin direktoru Akop Simonyan Yerevanda keçirdiyi mətbuat konfransında deyib : «Dünyadakı erməni tarixi abidələrinin vəziyyəti narahatqıl yaradır».

Qonşu dövlətlərdəki durumdan söz açan erməni direktor qeyd edib ki, «erməni mədəni abidələri qorunan» yeganə qonşu dövlət İrandır. Azərbaycan Respublikası haqqındakı vəziyyətdən danışan A.Simonyan erməni tərbiyəsi və xəstəliyini nümayiş etdirərək, bildirib : «Bu ölkə dünyaya dövlət səviyyəsində yürütdüyü antierməni siyasəti və vandalizmi ilə dünyaya yaxşı tanışdır».

Hörmətli oxucu, siz ermənilərin kimliyini Yerevandakı «Göy məscidi»ni fars mədəni-irsinin nümunəsi kimi təqdim etdiyini, habelə indii Ermənistan adlanan bu ölkədə, habelə xarici qüvvələrin yardımı ilə işğal etdiyi Dağlıq Qarabağda Azərbaycanın mədəni-tarixi abidələrini dağıması faktları sizə bəlli olduğundan bu məsələnin üstündən keçirik. Akop Simoyanın Azərbaycan haqqında söylədiklərinə diqqətinizə çatdırmaqla erməninin xəstə təxəyyüldən əl çəkmədiyini bir daha sübut etmək istədik.

Akopyan Gürcüstandakı durumdan danışarkən bunu vurğulayıb : «Gürcüstanda biz erməni kilsələrinin məhv edilməsi ilə deyil, onların gürcüləşdirilməsinin şahidi oluruq».

İran hakimiyyəti ilə Ermənistan təmsilçilərinin biri-birinə bu sayaq xoş münasibəti daha çox türk düşmənçiliyindən gəlir. Əslində Tehrandakı hakimiyyət və fars şovnistlərinə İrandakı abidələrin erməniləşdirilməsi sərf edir. Çünki türklərə qarşı düşmənçilik aparanlar bütün ciddi –cəhdlə türklərin indi «İran» adlanan əraziyə farslardan sonra gəldiyini sübut etməyə cəhd göstərir. Bu məsələdə isə ermənilər bütün göstəricilərinə görə istifadə üçün əlverişlidir.

Təcafüzukar adlandırsa da tehran hakimiyyəti Ermənistanla mədəni sahədə də əməkdaşlığı davam etdirməkdədir.

Ermənistanda İran əl işləri və turizm birinci sərgisi açılıb. Tədbirin açılışına Qərbi Azərbaycan əyalətindən (mərkəzi Urmiya şəhəridir) bir qrup incəsənət xadimi səfər edib.

GünAzTV-nin APA-ya istinadən məlumatına əsasən, əyalət turizm və mədəni irs idarəsinin mətbuat katibi Məhəmməd Əbdüli bildirib ki, həmin sərgidə iki lövhə Qərbi Azərbaycanın əl işləri və turizminə həsr ediləcək. Tədbirdə ağacadan hazırlanmış musiqi alətləri və bölgənin görməli yerləri təqimd olunub

M.Əbdülinin sözlərinə əsasən musiqi alətləri düzəldən Huşəng Əkbəri sərgiyə xüsusi olaraq dəvət edilib.

Ermənistanla  İran hakimiyyətinin belə sıx əlaqəsi bir neçə ay baş vermiş olayı xatırlmağımıza da  səbəb oldu

Azərbaycan türklərinə məxsus yer adları dəyişdirlidiyi, tarix abidələri dağıdıldığı halda Tehran hakimiyyəti «ermənilərin tarixi abidələrinin» qorunması üçün yardım ayırır.

Azərbaycan türklərinə məxsus yer adları dəyişdirlidiyi, tarix abidələri dağıdıldığı halda Tehran hakimiyyəti «ermənilərin tarixi abidələrinin» qorunması üçün yardım ayırır.

"Armtoday"-yə istinadən məlumata görə, tarixi abidələr üzrə erməni mütəxəssis Samvel Karapetyan deyib ki, İranda «erməni mədəni abidələrinə çox böyük hörmətlə yanaşırlar».

Onun sözlərinə görə, «erməni kilsəsinə aid bütün abidələri sökməyə hazır olan Gürcüstandan» fərqli olaraq, Tehran «erməni kilsəsinə məxsus irsi» hörmət və qayğı ilə qoruyur.

Karapetyan İranda apardıqları araşdırma haqda bunları bildirib : «Bir ay ərzində biz İranın yüzə yaxın kəndində erməni abidələrini araşdırdıq. Qrupmuz Tehranın Cənubundakı Qəzax,Kəmər, Periha,Yeni Cugədə fəaliyyət göstərdi. Bu yerlərdə biz erməni kilsəsinə aid 20 –yə yaxın abidə aşkarladıq. Məlum oldu ki, ötən illər ərzində iranlılar onlar toxunmayıb. Biz qum altında qalmış yeri göstərərək, dedilər ki, orada gildən tikilmiş erməni kilsəsi olub».

Erməni mütəxəssis onu da qeyd edib ki, gildən tikilsə də bütün hallarda «errməni kilsəsi qalıb». «Onların bəzilərindən məscid kimi istifadə edilib. Beləlri daha yaxşı qorunub. Kilsələrin yanında isə «errməni abidəsidir» lövhələri asılıb. Kəndlilər bu abidələri dağıtmır. Bununla yanaşı İran hakimiyyəti çoxsaylı erməni abidələrinin bərpası üçün vəsaiti ayırır»-deyə, ermənimütəxssis vurğulayıb.

Xatırladaq ki, apreldə  erməni arxitekturasının araşdırma ictimai təşkilatı bu ilin yayında «İrandakı ermənilərin tarixi abidələrinin araşdırlmasına başlayacağını» bildirmişdi.

Təşkilatın Yerevandakı şöbəsinin başçısı Samvel Karapetyanona demişdi: «2010-cu il üçün nəzərdə tutulumuş ən iri layihə, məhz ermənilərin İrandakı tarixi abidələrinin araşdırılmasıdır».

Bununla bağlı erməni mənbələri xəbəri belə yaymışdı : «Bu irimiqyaslı proqram Ermənistanın tarixi torpaqlarındakı, o cümlədən Qaradağ, Xoy, Salmast (əslində Salmasdır-S.S.) (erməni mənbəsinin qeyd etdiyi bu bölgələr Azərbaycanın qədim torpaqları, Güney Azərbaycanın Qərbi Azərbaycan əyalətidir- S.S.), eləcə də İrandakı başqa ərazilərdə erməni abidələrini araşdıracaq».

S.Karapetyan qeyd etmişdi ki, layihə Tehrandakı «Vaçe Ovsepyan» dövlət muzeyi əməkdaşlarının birgə iştrakı ilə gerçəkləşdiriləcək. Onun sözlərinə görə, əvvəllər təşkilat özünü maliyyələşdirmə hesabına bu sayaq layihələr edirdisə, bu proqram Ermənistanın dövlət büdcəsi hesabına həyata keçiriləcək.

Göründüyü kimi Azərbaycan torpaqları artıq «Ermənistanın tarixi ərazisi kimi təqdim edilir». Yuxarıda vurğuladığımız səbəblər ucundan Tehran hakimiyyəti indiyə kimi ermənilərin iddiasına öz etirazın bildrməyib.

Karapetyan belə layihələrin ötən il Gürcüstan və «Dağlıq Qarabağın azad olunmuş ərazisində» gerçəkləşdirdiklərini söyləyib : «Hazırda biz Dağlıq Qarabağ hakimiyyəti (!?-S.S.) ilə birlikdə Artsaxın (!?-S.S.) azad edilmiş yerlərindəki kənd qəbirsitanlığını öyrənməklə məşğuluq. Qəbristanlıqlar yerli  sakinlərin bir növ pasportudur» və s.

Azərbaycan türklərinin bir yerə toplaşaraq, probleməlrindən danışmasını qısqanan İran İslam Respublikasının rəhbərliyi ermənilərə qoynunu açır. Bu azmış kimi Tehran onların Güney Azərbaycan ərazisinə toplaşmasına şərait yaratmaqla, sanki türk dünyasına, özəlliklə Azərbaycana yanmışlıq verir.

İyulun 29-da Güney Azərbaycanın Urmiya şəhərində Dünya Ermənilərinin idman festivalının açılış olub. 10 gün keçiriləcəyi planlaşdırılan bu mərasim Urmiyanın Çarbaş məhəlləsində ermənilərə məxsus idman klubunda davam edəcəyi gözəlnilir.

Festivalda  Ermənistan, Livan, İran, İraq, habelə Avropa və Amerika ölkələrində yaşayan ermənilər iştirak edəcək.

Tədbir İran məclisi, İslam Respublikası Bədən Tərbiyəsi İdarəsi və iranlı ermənilər qurumu tərəfindən təmin olunacaq.

Mənbənin bildiridiyinə görə, keçən il keçirilən belə mərasimdə 2 min erməni iştirak edib. Onlar Urmiyanın ən bahalı sahilyanı mehmanxanalarında qalırlar.

Onu da qeyd edək ki, İran hakimiyyəti dünya ermənilərinin Güney Azərbaycanın Makı şəhərindəki Qarakilsə adlı kilsəyə toplaşaraq, dünya ermənilərinin tədbirini keçirməyə şərait yaradır. Bu mərasimdə Tehran hakimiyyətinin rəsmiləri çıxış edir. Orada «ermənilərin problemləri» və «soyqırım» kimi saxta tarixi hadisələrdən də danışırlar.

Azərbaycanın işğal altında olan ərazisində, daha dəqiq Füzuli rayonunda yerləşən Azıx mağarasında dünyanın çeşidli ölkələrindən çağırlmış arxeoloqlarla birlikdə «elmi-araşdırma» işləri apardığı haqda məlumat yayıldı. Karapetyanın İran səyahəti əslində «tarixi abidələri aşkarlamaq» və onların vəziyyəti barədə məlumat toplamaq deyil, dünyaya ermənilərin yaşadığı yerləri gösətrib, perpesktivdə bu yerlərə iddialar irəli sürmək cəhdidir…

Qum altından çıxarılaraq, «erməni abidəsi» kimi təqdim edilən nələrsə İslam Respublikası maliyyə vəsaiti ayırdığı halda, Azərbaycan türklərinə ana dilində dükan adlarını qoymağı belə çox görür.

«Canaz.TV»-nin məlumatına əsasən İranın Mədəniyyət Nazirliyi saytında şirkətlərin istifadəsi üçün yasaqlanmış ingilis, ərəb, fransız, o cümlədən türk mənşəli sözlərin və adların siyahısını yerləşdirib: «Biz mağaza şüşələrində, ad lövhələrində, malların qablaşdırılmasında və s. bu kimi sahələrdə səlahiyyətli orqanlar, o cümlədən bələdiyyə, polis, fars dil və ədəbiyyatı qurumu, eləcə də şirkətləri qeydə alan idarələrlə əməkdaşlıq edərək, qeyri-farsların lüğətlərindən istifadə edilməsinə imkan verilməməsi haqda razılıq əldə etmiş və buna çalışırıq».

Həmin sözlərdən bir neçəsini diqqətinizə çatdırırıq : «Alma», «Alış», «Ana», «Ay», «Aylar», «Aysuda», «Burada», «Aynaz», «Barlı», «Taysız», «Dadlı», «Dəniz»,  «Cansu», «Sona», «Sevin», «Qaratel», «Birtanə» və s.

«Amerikanın səsi» raidosunun məlumatına görə, nazirliyin səhifəsində təhriflərə də yol verilib. Onlar «mədəniyyət» işçiləri «çərəz», «restoran», «sayan», «siz», «horand» kimi sözlərinin farsca olduğunu iddia ediblər.

Qurum yasaqladığı 662 addan Güney Azərbaycan türkləri üçün «Alma», «Ana», «Sona», «Dəniz» kimi adlardan ikisinə şərt daxilində icazə verib. Belə ki, «Aynaz» sözü yalnız Güney Azərbaycan bölgələrində istifadəsinə icazə verilir.  İranın başqa əyalətlərində bu adın istifadəsi qadağan olunuub.ikici isə «Kalber» kəlməsidir. Nazirliyin açıqlamaasında deylib ki, bu ad yanında «bu ad Sistan və Bəlucistan əyalətində bir kənd adıdır»- yazıldıqdan sonra işlədilə bilər. Sədrəddin Sotan