Contact Us

SON XƏBƏRLƏR

Birləşmiş Ərəb Əmirlikləri Hürmüz boğazında hərbi baza yaradıb

2021.10.20, 07:36
Birləşmiş Ərəb Əmirlikləri Hürmüz boğazında hərbi baza yaradıb

Gunaz.tv

GünAzTv: Birləşmiş Ərəb Əmirlikləri (BƏƏ) Fars korfəzi ilə Omman dənizini birləşdirən Hürmüz boğazında yeni müasir hərbi baza yaradıb.

BƏƏ yetkililəri regiondakı durumun gərginliyini bu hərbi bazanın yaranmasının səbəbi kimi göstəriblər. BƏƏ-nin Foceyrə Əmirliyinin hakimi Şeyx Həmd bin Məhəmməd Əlşərqi bu barədə məlumat verərək bildirib: “Foceyrə Əmirliyi regionun mühüm strateji məntəqələrindən biri olduğundan və Hürmüz boğazı iki dənizi birləşdirmək vasitəsi ilə önəmli coğrafi makan olduğundan belə bir müasir hərbi bazanın salınması əhəmmiyyətli addımdır.”

 

BƏƏ rəsmi xəbər agentliyi olan VAM bildirib ki bu bazanın açılış mərasimində Foceyrənin yüksək səviyyəli siyasi yetkililəri ilə yanaşı BƏƏ-nin yüksək rütbəli generalları da iştirak edib. BƏƏ ordu yetkililəri bildirib ki, bu baza Hürmüz boğazında gəmilərin hərəkətinə yarana biləcək hər hansı bir maneəyə müdaxilə edəcək və boğazda gəmilərin tərəddüdünü sağlamağa çalışacaq. Ordu yetkililəri bu bazanın müdafiə xarakterli olduğuna da təkidlə bəyan ediblər.

Xatırladaq ki, Hürmüz boğazi dünyanın strateji noqtələrindən biri hesab olunur. Dünya neftinin 60 faizi bu boğaz vasitəsi ilə gəmilərlə daşınır. Bu boğaz Fars körfəzi ilə Omman dənizini və Hind okeanını birləşdirir. Bir müddət əvvəl boğazdan cənuba doğru Səudiyyə Ərəbistanı suları yaxınlığında Misir və Səudiyyə Ərəbistanı hərbiçiləri müştərək təlimlər keçirib. Bu təlimlərin məqsədinin gəmilərin təhlükəsizliyini təmin etmək və dəniz sularında neft daşıyan gəmilərə hər hansı hücumun qarşısını almaq olduğu elan edilmişdi.

Ərəb dövlətləri xüsusən də körfəz ətrafı ölkələr İranla qərb ölkələri və ya İsrail arasında baş verəcək hər hansı bir hərbi toqquşma zamanı İranın Hürmüz boğazını bağlamasından ehtiyatlanırlar. Bu boğazın bağlanması dünyada enerji problemi yarada bilər. Bu səbəbdən fars körfəzi ətrafı ölkələri öz hərbi potansielini genişləndirməyə və belə bir şərayitdə Hürmüz boğazından neft gəmilərinin rahat keçməsini və təhlükəsizliyini təmin etməyə hazırlanırlar. Araztm

SEÇİLMİŞ XƏBƏRLƏR

Çox oxunanlar