GünAzTv: İrandakı hakimiyyətdən ən çox rahatsız olan İsraildir. Bu, yeni məsələ deyil. Məhəmmədrza şahın dövründə yəhudi dövləti ilə Tehran normal münasibət saxlayırdı. Bununla belə bölgədə nüfuz uğurunda yarış da gedirdi.

Ölkədə İslam Respublikası qurulduqdan sonra hakimiyyət başına gələnlərin irəli sürdüyü siyasi-ideoloji xətt İran-İsrail münasibətini düşmənçilik müstəvisinə keçirdi.

İslam Respublikasının indiki prezidenti Mahmud Əhmədinejadın «İsrail dünyanın siyasi xəritəsindən silinməlidir» kimi bəyanatları yəhudi dövlətinin rəhbərlərini Tehran hakimiyyətinə münasibətdə daha ayıq siyasət irəli sürməyə gətirib, çıxarıb.

Qüdsdə yəhudi xalqının forumunda çıxış edən, İsrailin baş naziri Binyamin Netaniyahu bildirib ki, İran hələ də nüvə silahı əldə etməyə səy göstərir.

İş o yerə çatıb ki, İsrail dövlətinin prezidenti Şimon Peres Fələstin məsələsinin həlliində «güzəştin» vacibliyini vurğulayıb. «Yəhudi xalqının gələcəyi» konfransında çıxışı zamanı dünya yəhudilərinin prezidenti deyib:«Təhlükəsizlik sahəsində ABŞ (Amerika Birləşmiş Ştatları) İsrailin vəziyyətində özünü hiss etməyi bacardığı kimi İsraildə onun durumunu hiss etməlidir. Antiiran koalisiyasının yaranması üçün biz onlara yaradım edə bilsək də, onların bizə verdiyini biz onlara verə bilmərik. Bəyanatlarla deyil, fələstinlilərlə yenidən münaqişəni kəsərək, biz onlara ABŞ və İsrail üçün mövcud təhlükənin aradan qaldırılması yönündə fəaliyyət göstərməsi imkanı verərik».

Əslində Ş.Peres Fələstin probleminin həllə olunmamasında başlıca manelərdən birinin İrandakı hakimiyyət olduğunu dəyərləndirən siyasətçilərdəndir.

Hələ cari ilin əvvəlində Şimon Peres amerikalı yəhudilərin təşkilatındakı çıxışında bəyan etmişdi ki, problem İslam Respublikasının təbiətindədir, onun  nüvə proqramında deyil.

Onda Ş.Peres İran hakimiyyətinin davranışını belə dəyərləndirmişdi : «Atom bombası əldə etmək istəyən qatillər».

Bir neçə gün öncə Finlandiyanın prezidenti Tarya Haloneni Qüdsdə qəbul edən İsrail prezidenti Yaxın Şərqdəki durumu müzakirə edib.

Finlandiyalı qonaq bildirib ki, benyəlxalq ictimaiyyətin probelmlərrinin çoxunun açarı ərəb-İsrail münaqişəsinin həllindədir.

Yəhudi dövlətinin başçısı öz növbəsində deyib ki, ölkə ictimaiyyəti və parlamentində çoxluq «iki xalq üçün iki dövlət prrinsipi» əsasında sülhü dəstəkləyir. Onun sözlərinə görə, sülh danışıqları gizli şəraitdə, telekameralardan uzaq şəkildə davam etdirilməlidir. «Bu çərçivədə danışıqlar nəticə verə bilər»-deyə, Ş.Peres vurğulayıb.

Yəhudi dövlətinin hökumət başçısının sözlərinə görə, İran liderləri dünyada raikal islama liderlik etmək niyyətindədir. «Tehran hakimiyyəti İraqı, Qəzza zolağını və Livanı özünə tabe etmək istəyir. Əgər himayədarlarının (İranı hakimiyyətinin-S.S.) atom bombası olsa, o zaman «Həmas» və «hizbulla» kimi terrorçu qrpularıı özünü daha əmin hiss edəcək»-deyə, baş nazir söyləyib.

Onun sözlərinə görə, İsrail mövcud olmazsa, yəhudi diasporunun gələcəyi olmaycaq.

Qeyd edək ki, İslam Respublikası bu günlərdə bəyan edib ki, onların 30 kiloqram uran ehtiyatı var. Başqa sözlə uranı 20 faiz zənginləşdirməklə bu radioaktiv element ehtiyatını iki dəfə artırıb. İtaliyanın baş naziri və kubanın keçmiş dövlət başçısı Fidel Kastro isə İsraili İrana hücum etməməyə çağırıb.

İsrail hakimiyyəti Fələstinlə dil taparsa, o zaman bölgə, eləcə də dünyanın inkişafı üçün böyük təkan verər. Elə müttəfiqi ABŞ-a İranla bağlı probelmin həllində ən böyük dəstəyi verər. Bu bizim yayılan xəbərlər əsasında gəldiyimiz qənaətdir. ABŞ-ın Yaxın Şərqdəki müttəfiqləri İslam Respublikası ilə bağlı məsələdə Ağ evə yardım etmək üçün ilk nöbədə vahid mövqeydən çıxış etsə, bu səmərli nəticə verə bilər. Ancaq Ş.Peresin «Yəhudi xalqının gələcəyi» konfransındakı çıxışından göründüyü kimi beynəlxalq ictimaiyyətdən İran hakimiyyətinə təzyiqləri artırmağı istəyən İsrail dövləti İslam Respublikası ilə bağlı məsələni həllinddə ABŞ-a yardım etmək üçün atacağı addımları hələ Ağ evlə uzlaşdırmayıb. Sədrəddin Soltan