Contact Us

SON XƏBƏRLƏR

İran iqtisadiyyatını ciddi təhlükə gözləyir

2021.10.20, 07:36
İran iqtisadiyyatını ciddi təhlükə gözləyir

Gunaz.tv

GünAzTv: Subsidiya mexanizminin ləğvi inflyasiya  göstəricisini 8,8 faizdən 30 faizə çıxaracaq.

"Financial Times"qəzeti İranın illərdən bəri tətbiq etdiyi subsidiya siyasətinə son verməyə hazırlaşdığını yazıb..

Xəbərdə deyilir: "İranlılar səssizcə qida tədarük etməyə və pullarını dönərli valyutaya çevirməyə başlayıblar. Çünki hökumət bir çox iranlının anadangəlmə bir haqq olaraq aldığı subsidiyaları qaldırmağa hazırlaşır. Təməl istehlak maddələrinin, benzin, qaz və elektrikin qiymətini ucuz saxlaya bilmək üçün hər il on milyardlarla dollar vəsait xərclənir. Dünyanın üçüncü böyük neft və ikinci böyük qaz ehtiyatlarına sahib olan İranda xalq indiyə qədər hər gün istehlak etdikləri məhsulların real dəyərini ödəməyib. Mart ayında parlament hökuməti subsidiya siyasətini qaldırmağa məcbur edən bir qərar qəbul edib. Hökumət subsidiya mexanizmini mərhələli qaydada qaldırmaq üçün bu həftə içində hərəkətə keçə bilər"."Financial Times" Beynəlxalq Valyuta Fonduna istinadən subsidiya mexanizminin qaldırılması halında İranda inflyasiyanın 8,8 faizdən 30 faizə çıxa biləcəyini yazıb. Prezident Mahmud Əhmədinejat isə islahatlar zamanı yoxsulların qorunacağına söz verib. Qəzetə görə, hökumət dövlət dəstəyinin qaldırılması yolu ilə qənaət ediləcək 10 milyard dolları yoxsullara paylamaq niyyətindədir. İranın 73 milyon nəfərlik əhalisinin 61 milyonu bu mexanizmdən faydalana biləcək. Hər adama hər ay 40-45 dollar ödənəcək. "Financial Times" ehtimal olunan etiraz nümayişlərinə qarşı İran hökumətinin indidən tədbir görməyə başladığını vurğulayıb.

SEÇİLMİŞ XƏBƏRLƏR

Çox oxunanlar