GünAzTv: Tehran hakimiyyəti insanların məişət məsələlərinə müdaxilə etdiyi kimi informasiya vasitələrinə də «necə yazmağı» «məsləhət görməkdədir».

GünAzTV-nin «islam-azeri»-yə istinadən İranın islami radio-televiziya birliyinin baş katibi Əli Kərimian jurnalistlərə «məsələhət» verərək, deyib : «Bu gün dünyada müsəlmanlara qarşı geniş miqyaslı informasiya müharibəsi aparılır. Bunun müxtəlif örnəklərini peğəmbərə (s) hörmətsizlik, məscid və Quranların yandırılmasınsını göstərmək olar. Bunun üçün islami KİV-in borcusudur ki, düşmənlərin bu informasiya müharibəsinə qarşı ciddi mübarizə aparsın».

Ötən həftə Tehranda müsəlman ölkələri radio-televiziya birliyinin dördüncü iclası öz işinə başlayıb.

Bu toplantıda çıxışı zamanı Ə.Kərimian bildirib ki, Qərb dövlətlərinin mətbuatı qərəzli şəkildə «müsəlmanların münqavimətini terrorçuluqla eyni qələmə verir, bəzi cahil şəxslərdən istifadə etməklə şiələr və sünnilər arasında ixtilaf yaratmağa çalışırlar».

«Belə bir dönəmdə islam dünyası KİV-inin bu hücumların qarşısında mübarizə aparması zəruridir.İslami Radio Televiziyaları Birliyi yaradılmasıda məqsəd islam dinin ictimaiyyətə düzgün çatdırılması, islami birlik və qardaşlığın gücləndirilməsi,bu blokun yaradılması, xurafat, ayrı-seçkilik və hegemonlarla mübarizə, İmam Xomeynin məzlumları müdafəi etmək ideylarını yerinə yetirməkdir»-deyə,o, söyləyib.

Birlik baş katibinin sözlərinə görə, qurumun 30 ölkədən 200 nəfərədək üzvü var.

Ötən həfətənin sonunda başa çatan bu toplantı «Haqqı əldə etmək üçün hamı birlikdə!» şüarı altında keçirilib. Konfransda «İslami KİV-in dünya mətbuatı ilə mübarizədə yerini möhkəmlət» müzakiirə edilib.

Yığıncaqda İranın ali rəhbəri ayətulla xamneyinin müşaviri Ələkbər Vilayəti, Əfqanıstanın din xadimlərində Asəf Möhsüni və başqaları İslam dünyasında informasiya vasitələrinin mövcud vəziyyəti və «müsəlmanların mənafeynin qorunmasının zəruriliyindən» danışıblar.

Konfransda ABŞ, Tanzaniya, Fələstin, Livan, Bəhreyn, Küveyt, Türkiyə, Pakistan, Əfqanıstan, Britaniya, İraq və İranın radio və televiziya şirkətlərinin təmsilçiləri iştirak edib.

İslam Respublikasının təmsiçiləri və onu müdafiə edənlər 30 il öncə özləri üçün düşmən yaradıb və bu günədək  onlara qarşı guya «müqavimət təşkil etməklə məşğuldur».

Bu sayaq tədbirlər və belə bayağı bəyanatlarla Tehran hakimiyyəti islam dünyasında «söz sahibi» olduğunu sübut ettməyə çalışır.

Axı, müsəlman təəssübkeşi rolunda çıxış edib, informasiya vasitələrini də bu yöndə «səfəbərlik» etmək istəyənlərin Azərbaycan torpaqlarını işğal etmiş bir dövlətlə hər tərəfli əməkdaşlığı hansı məntiqə sığır?

Tehran tədbir keçiriləndə İran parlamentinin sədri Əli Laricani Ermənistana səfər edərək, orada Azərbaycan torpaqlarını işğal etmiş bir rejimin təmsilçiləri ilə «dostluq və qardaşlıqdan» danışıb. İran-Ermənistan dəmiryolu xəttinin çəkilməsi, Araz çayı üzərinə müştərək su Elektrik Stansiyasının tikintisi, ikinci İran-Ermənistant elektrik xəttinin, Təbrizdən çəkiləcək neft məhsulları kəmərinin inşası layihələrinin gerçəkləşdirilməsinin önəmindən söz açıblar.

O, jurnalistlərə açıqlamasında deyib : «İranla Ermənistan arasında dostluq əlaqələrinin genişlənməsi sayəsində bölgədə təhlükəsizlik mühiti yaranıb».

Bundan başqa həftənin sonunda Yerevanda İran-Ermənistan biznes forumu keçirilib. Ermənistan inkişafı agentliyinin sərmayə xidməti bölməsinin direktoru Valeri Şabanov tədbirini açılışında bildirib : «Bu biznes-forum iki tərəfli münasibətəlrin dərinləşməsinə yeni təkan olacaq».

Tədbirə İrandan çeşidli sahələri əhatə edən 22 şirkətin nümayəndəsi qatılıb. Onlar Ermənistanda yerli şirkətlərin təmsilçiləri,  Energetika Nazirliyi, kənd təsərrüfatı, nəqliyyat və rabitə, şəhərsalma, iqtisadiyya, sənaye – ticarət palatasının nümayəndələri ilə işgüzar görüş keçiriblər.

Valeri Şabanovun sözlərinə görə, Ermənistana sərmayə yatrımı üzrə Rusiyadan sonra (min şirkət) İran (818 şirkət)  ikinci yerdədir.

Direktor deyib ki, İranla Ermənistan arasında 2009-cu ildə ticarət dövriyyəsi 153 milyon dollar təşkil edib. Bunun 134 milyonu İrandan idxalın, 19 milyon dolları isə Ermənistandan İslam Respublikasına ixarcın payına düşür.

İran ticarət və sərmayə agentliyinin təmsilçisi, ENN şirkətinin direktoru Səid Babai öz növbəsində vurğulayıb ki, ölkəsi yalnız Ermənistan bazarlarına məhsul ixrac etməklə kifayətlənmir, eləcə də yerli sahibkarlarla görüşərək, ora sərmayə qoyur.

İslam Respublikasının təmsilçisi əlavə edib ki, Gürcüstan və Rusiya ilə İranı birləşdirən iqtisadi-ticarət k.örpüsü olmaq üçün Ermənistan «böyük imkanlara malikdir». Onun sözlərinə görə, bu ölkədə iranlı sahibkarlar üçün «əlverişli ticarət şərait yaradılıb».

Bu, müsəlman  dünyasına öyüd nəsihət verən, Tehranın işğalçı Ermənitstanla hər tərəfli, o cümlədən hərbi sahədə əməkdaşlıq edən  İslam Respublikasının əməlindən bir faktdır.

Əsilndə isə insanlara, eləcə də dövlətlərə, hakimiyyətlərə əməlinə görə qiymət veirilər.

Ə.Kərimian «ayrı-seçkiliyə» qarşı birgə «mübarizədən» danışıb. 30 milyondan çox müsəlmanı, Güney Azərbaycan türkünü aşağılyan, milli haqlarını tapdayan bu hakimiyyətin dediklərinə necə inanmaq olar?

GünAzTV-nin məlumatına göər, oktyabrın 16-da İranın dövlət televiziyası (bu ölkədə özəl TV yoxud) həftə boyu dünyada və ölkədə baş verənləri təhlil edərkən, İsrailin Fələstinin bombalmasından da danışıb.

Verilişin aparıcıları, dəfələrlə «türktazi» ifadəsini işlədiblər. «Türk yürüşü», «türk hücumu» mənasında işlədilən bu söz əslində, həmin proqramda «vəhşilərin hücumu» , «mədəniyyətsizlərin həmləsi» kimi təqdim olunub.

Mənbənin şərhinə əsasən, fasr şovnistlərinin təbilğatı və əməli fəaliyyətləri nəticəsində Güney Azərbaycanda dilimiz, mədəniyyətmiz, tariximiz təhrif olunmaqla yanaşı, türklərə ail bu ölkədə nə varsa, hamısını hakimiyyət lağ-lağı obyektinə çevrib və mənasını dəyişməyə cəhd göstərib.

«Türk» sözünün «qüdrətli», «güclü», «güc» və başqa bu sayaq mənaları verdiyi heç kimə sirr deyil. Fars şovnistləri isə bu sözü «vəhşi», «mədəniyyətsiz» təki ictimaiyyətə sırmağa çalışmaqdadır. İran televiziyasının «türktazi» ifadəsinin təhrif olunmuş şəkildə işlədilməsi də bu niyyət xidmət edib.

Öünü «islamçı» adlandıran Tehran hakimiyyəti ölkədə insanların söz və fikir azadlığını boğur. Halbuki dinimizdə bu öyndə bir yasaq yoxdur. Çünki fikir deyilmək, müzakirə edilməklə cilanar. Bu isə oxyub-öyrənməyi təşfiq edər.

Bu günlərdə Ümumdünya qəzet və informasiya-nəşriyyat assosiayasiyasının «Azad qızıl qələm-2010» mükafatı irnalı jurnalist Əhməd Zeyidabadiyə verilib. Mövcud rejimə qarşı təbliğatda suçlandırılaraq, 6 il azadlıqdan məhrum edilmiş jurnalistə ödül təqimd olunarkən, təşkilatçılar bildirib : «O, azad mətbuatın yayılması və müdafiəsinə görə bu mükafata layiq görülüb».

«Bu gün biz Zeydabadiyə mükafat versək də, həbsdə olan, ödül almayan, despotik rejim tərəfindən əzilən jurnalistləri də xatırlamalıyıq»-deyə, Dünya redaktorlar forumunun direktoru Havyer Vidal – Folk söyləib.

2006-cı ildə isə bu mükafat iranlı başqa bir jurnalist Əkbər Gənciyə verilmişdi.

Öz  vətəndaşlarının  sərbəst fikrinə hörmət etməyən, onlara inanmayan bir hakimiyyətin «islamı qormuası da» məntiqsiz görünür. Çünki dinimizin və onun Kitabının qornumasına Allah zamindir. İran İslam Respublikasının rəhbərliyi isə İslamdan və onun Müqəddəs Kitabından öz hakimiyyətini qorumağa və müsəlman dünyasında, eləcə də Yaxın Şərqdə hegemonluq iddiasını gerçəkləşdirmək niyyəti ilə istifadə edir. İslamın İrandakı hakimiyyət kimi gerci bir rejim tərəfindən qorunması isə dünyada əks reaksiya yaradır…

Sədrəddin Soltan