GünAzTv mətbuat mərkəzi mühacirətdə yaşayan  Babək bəy Azərinin Güney Azərbaycanın Milli Azadlıq Hərəkatının simgəsi barədə jurnalist Eluca xanım Atalıya verdiyi müsahibəni təqdim edir:

Belə demək olar ki, informasiya savaşında düşmənə qarşı Günaz tv mərkəzi rol oynayıb və son zamanlarda qırmızı bayrağın mübarizə rəmzi kimi təsdiqlənməsində Günaz tv çox əhəmiyyətli rol oynamışdı. Bu hesabla təccüb yeri yoxdur ki, Günaz tv - yə və xüsusən Əhməd Obalıya qarşı şantaj siyasəti aparılır. Aydıncasına belə demək olar, bu şantaj siyasəti aparanlar ETTELAAT -ın məmurları, şahçılar, manqurtlar və antitürk kommunistər təşkil edirlər.

Bir müddət bundan öncə Güney Azərbaycana aid olan bəzi təşkilatlar və müstəqil şəxslər bəyanat yayıb, bu vasitə ilə qırmızı bayrağı Güney Azərbaycanın Milli Azadlıq Hərəkatının simgəsi kimi təsdiq etmişdirlər. Bu fikri qəbul edənlərdən biri də mühacirətdə yaşayan  Babək bəy Azəri olmuşdur. Elə bu səbəbə görə, mövzuya aydınlıq gətirmək üçün Babək bəyə müraciət etmişik.Sual: Qırmızı simgədən əlavə, keçmişdə digər simgələr də bəzi təşkilat və şəxslər tərəfindən Güneyin mübarizə rəmzi kimi təsdiqlənmişdir. Sizin fikrinizcə, qırmızı simgənin o biri simgələrlə nə kimi fərqi var və ya hansı cəhətlərdən fərqlənir?Cavab: Qırmzı simgə milli fəalların əksəriyyəti tərəfindən həm daxildə, həm də xaricdə mübarizə rəmzi kimi qaldırılmışdı. Nəhayət, 2010 - cu il 22 sentyabrda bəzi təşkilat və müstəqil şəxslərin tərəfindən milli mübarizə rəmzi kimi təsdiqlənmişdir. Amma digər simgələri xalqdan ayrı, yəni, təcrid formasında bəzi təşkilatlar və şəxslər mübarizə rəmzi kimi qəbul etmişdilər. Amma ictimai rəy bu simgələrə güclü formada dəstək nişan verməmişdi. Bildiyiniz kimi,  mübarizə rəmzini seçməkdə əsas məqsəd xalqı o simgənin altında birləşdirməkdir. Qırmızı simgə sözdə yox, əslində əməldə nişan vermişdir ki, bu rəngin xalqı birləşdirmək qabiliyyəti var. Dünyanın inkişaf tapmış ölkələrində bəzi iqtisadi və ya siyasi layihəni əvvəlcə bir bələdiyyə çərçivəsində və ya balaca bir şəhərdə həyata keçirirlər. Əgər nəticə qaneedici olsa, o layihə parlamentdə qanun kimi təsdiqlənib və ölkə səviyyəsində həyata keçir. Biz qırmızı simgəni mübarizə rəmzi kimi təsdiqləməkdə, əslində yeni bir iş ortalığa qoymamışıq. Əslində daxildə milli fəalalrın qaldırdığı bayrağı onlara himayət olaarq, biz də təsdiqləyib, qaldırmışıq.Sual: Siz iddia edirsiniz ki, qırmızı simgə Güney Azərbaycanda xalq tərəfindən dəstəklənir. Bunun sübutu üçün hansı qaneedici izahat verə bilərsiniz?Cavab: Bildiyiniz kimi, İranda bir demokratik siyasi sistem hakim deyil. Bizdə belə bir imkan yoxdur ki, Güney Azərbaycanda xalqımıza birbaşa müraciət edib, bu barədə onların rəyin açıq şəkildə öyrənək və sizə konkret statistik verək. İndiki vəziyyətdə biz ancaq müxtəlif simgələrlə bağlı göstərilən himayətləri bir-biri ilə müqayisə edə bilərik. Qırmızı simgə ilə bağlı birinci dəfə bəyanat yayılanda 18 təşkilat onu mübarizə rəmzi kimi təsdiqləmişdi. Bir neçə günün ərzində 12 digər təşkilat da bu fikridən himayətlərin elan etmişdirlər. Bundan əlavə, Güney Azərbaycanın tanınmış milli fəallarının çoxu bu fikri dəstəkləyiblər. Bunların hamısından əhəmiyyətlisi bundan ibarətdir ki, Günaz tv - nin iki gün dalbadal canlı yayımında dünyanın hər tərəfindən, xüsusən, Güney Azərbaycanın şəhərlərindən çoxlu sayda yurddaşımız  qırmızı simgədən öz himayətlərin elan etmişdirlər. Mənim fikrimcə, qırmızı simgə ilə bağlı heç bir mürəkkəb şey yoxdur. Bu gün Güney Azərbaycanda gənclərin bir əsas şüarı budur: "Biz ölməyə hazırıq, Babəkin sərbazıyıq ( əsəgəri)!" Təbiidir, onlar ki, bu şüarı verirlər, onlar özlərin Babək Xürrəmddin əsgəri sayıb, Vətən yolunda ölməyə hazırdılar, şübhəsiz ki, onlar Babəkin qırmzı bayarğın başları üzərinə qaldırırlar. Bununla bağlı əlimizdə gerçək sənəd olan çoxlu sayda video film var. Millətimiz hər il Babək Xürrəmiddin ad günü münasibəti ilə qırmızı geyimlə və qırmızı bayarqla ölkə daxilində və dünya səviyyəsində müxtəlif tədbirlər keçirirlər. Siz belə bir dəstəyi digər simgələrlə bağlı görə bilməzsiniz.Sual: Bəzən belə fikrilər də eşidirik ki,  qırmzı rəngin tərəfdarları milli hərəkatda olan bəzi qruplardırlar. Bütün qruplar onu dəstəkləmirlər. Bu da öz yerində birləşmə yerinə ixtilafa səbəb olmazmı?Cavab:Mən bu tənqidi fikirlə razı deyiləm. Bizim Milli Azadlıq Hərəkatımızda həm demokratik, həm də qeyri - demokratik qüvvələr var. Misal üçün, bəzi balaca təşkilatlar heç bir demokratik təməllərə dayanmadan özbaşına Güney Azərbaycana milli bayarq kəşf ediblər. Aydındır ki, demokratik qüvvələrin belə bir qeyri - demokratik təşkillatlarla vahid fikrə gəlmələri mümkün deyil. Əgər milli hərəkatda ancaq demokratik qüvvələri nəzərə alarıqsa, bu halda da onların bütövlüklə bir fikri himayət etmələri şərt sayılmır. Əsas şərt bir fikrin düzgün olması və o fikrin xalq tərəfindən dəstəklənməsidir. Ola bilər ki bir balaca qrup bir düzgün fikri gündəmə gətirə və xalqın himayətin qazana. Deyirlər, Albert Eyniştenin siyasi firkinə qarşı bir bəyanat 100 yazıçının vasitəsi ilə təsdiqlənib, yayılmışdır. A. Eynişteyin reaksiya olaraq demişdir: "Əgər sizin bir dərdə dəyən fikriniz varsa, lazım deyil 100 nəfər olasınız, bir nəfər də olsanız yetər." Milli Hərəkata aid olan qruplar istər qırmzı rəngi simgə kimi qəbul edələr və ya rədd edələr, bunun xalqımız üzərində təsiri yoxdur. Çünki xalqımız mübarizə meydanında bu bayrağı qaldırır. Bunlardan da əlavə, unutmayaq ki, bizim içimizə millətçi adı ilə ETTELAAT məmurları daxil olublar. Onlar çalışırlar fikir ixtişaşı yaratmaqla hər hansı bir simgəni birlik yerinə, ixtilaf simvoluna çevirələr. Sual: Elə sizin bu son fikrinizə görə, sizi tənqid edənlər var. Fikir eləmirsiniz ki, milli hərəkata daxil olan ETTELAAT məmurların qabartmaq səbəb olar, qırmzı simgə ilə bağlı tənqidi fikir yayanları qorxuda?Cavab: Mənim fikrimcə, məsələyə bu cür yanaşma həm demokratik təməllərə qarşıdır, həm də insafdan uzaqdır. Mən demokratiyaya inanıram. Bir demokratik siyasi sistemdə gərək ki, məhkəmə sistemi tərəfsiz və müstəqil ola və hər hansı bir kəsin cacus olmağı ancaq sübutedici sənədlərin əsasında məhkəmə qərar verə bilər. Tamam təcrübələr nişan verir, bir mübarizədə casusluq əməliyyatı çox əhəmiyyətli rol oynayır. Eliyə bilər bir mübarizənin məğlubiyyətində və ya naliyyətində mərkəzi rol oynaya. Deyirlər, Almaniyanın ikinci dünya müharibəsidə məğlub olmasının əsas səbəblərindən biri İngiltərənin Almaniyaya qarşı casusluq əməliyyatı olmuşdu. Elə bu səbəbə görə, hal - hazırda dünyanın azad və demokratik ölkələrində xarici qüvvələrin casusluq əməliyyatına qarşı müəyyən hökumət orqanları var. Bu hökumət orqanları demokratiyaya qarşı təhlükə və ya hədə sayılmırlar. Əksinə, demokratiyanı qoruyub saxlamaq üçün onların olması lazım görülür. Bizim əlimizdə konkret sənədlər var ki, onlar sübut edir ETTELAAT məmurları millətçi adı ilə bizim milli hərəkatımıza daxil olurlar. Bu bizim demokratik haqqımızdır ki, düşmənin casusluq əməliyyatına qarşı elmi metodlardan faydalanıb, hətta düşmənin içində casusluq əməliyyatı aparmaqla, bu sahədə üstün rol oynayaq.Sual: Bildiyiniz kimi, 30 -dan artıq təşkilat qırmızı bayrağı mübarizə rəmzi kimi təsdiqləyiblər. Bəziləri, bu təşkilatların ciddi olduğun sual altına aparırlar. Siz bu barədə nə izahat verə bilərsiniz?Cavab: Təşkilatların əhəmiyyətini və nə dərəcədə ciddi olmasını onların apardığı proqram və kütlənin üzərindəki təsiri ilə ölçmək lazımdır. Əgər bu faktı nəzərə alsaq, belə bir nəticə almaq olar ki, bir zəif təşkilat düzgün siyasət ilə güclü təşkilata çevrilə bilər. Bunun əksin də demək olar. Bir güclü təşkilat bir yanlış siyasət nəticəsində tikə - parça olub, bir neçə zəif təşkilata çevrilə bilər. Misal üçün, mən yaşadığım ölkədə, yəni, İsveçdə son dövr seçimlərdə təqribən 30% sosial - demokratlara səs vermişdirlər. Bu, o mənada deyil ki, səs verənlərin hamısı sosial - demokrat partiyasında üzvdürlər. Bu, sosisal - demokratların  kütlə üzərində qoyduğu siyasi əhəmiyyəti göstərir. Güney Azərbaycanın təşkilatları da düzgün siyasət aparmaqla, öz təsirlərin kütlə üzərində yüksəldib, kəmiyyət və keyfiyyət baxımından yüksək səviyyədə ortaya çıxa bilərlər. Bəs, bu hesabla 30 - dan artıq təşkilatın qırmızı bayarağı müzarizə rəmzi kimi təsdiqləməsi və mediya vasitələrində milli fəalların əksəriyyətinin bunu alqışlaması nişan verir ki, adı çəkilən təşkilatlar bir düzgün siyasət nəticəsində öz etkilərin kütlə üzərində artırıb və elə bu vasitə ilə də özlərinə etibar qazanıblar. Unutmayaq ki, haqqın məsuliyyətlə mənası var. Aydındır, biz söz azadlığı haqqından faydalanıb, hər bir fikri tənqid edə bilərik. Amma, bu söz azadlığından faydalandığımız zaman bizim öz məsuliyyətimiz də var. Biz izin-icazə verməməliyik ki, siyasət sahəsində bizi məsuliyyətsiz adamlar kimi tanınaq. Yəni, məsuliyyət hiss eləmədən, işimiz ancaq hər şeyi tənqid eləməkdir. Biz dünənə kimi Güney Azərbaycana aid olan təşkilatlardan haqqlı olaraq tənqid edirdik ki, necə ola bilər  Azərbaycan təşkilatları birgə siyasi məhbuslarla əlaqədar bir müştərək bəyanata qol çəkmirlər. Amma bu son günlərdə görürük ki, demokratik prinsiplərə dayanaraq, 30 - dan artıq təşkilat bir fikri təsdiqləyiblər. Bu birinci dəfədir baş verir, elə bu səbəbə görə, tarixi əhəmiyyət daşıyır. Elə buna görə də, bizlər məsuliyyət hiss edib, bu hadisəyə lazımı qədər dəyər verməliyik.Sual: Qırmızı bayraq mübarizə simgəsi kimi ortaya çıxandan sonra, Günaz tv -yə, xüsusən, Əhməd Obalıya qarşı müəyyən adamlar tərəfindən şantaj siyasəti həyata keçirilir. Siz bunun səbəblərin necə aydınlaşdırarsınız? Cavab: Bu aydın faktdır, müxalifətin o zaman faydası var ki, kütlə ilə əlaqə saxlaya bilə. Əgər müxalifətin kütlə ilə əlaqəsi kəsilərsə, o zaman müxalifətin heç bir mənası yoxdur. Hal- hazırda Günaz tv bir güclü informasiya vasitəsi kimi səbəb olur Güney Azərbaycanın təşkilatları, xüsusilə daxildə xalqımızla əlaqə saxlayalar. Misal üçün, İstiqlal Partiyası, Federal -Demokrat Təşkilatı, AMAT, Qurtuluş Partiyası və s. öz siyasi baxışların yaymaq üçün Günaz Tv -dən bir güclü informasiya vasitəsi kimi faydalanırlar. Belə demək olar ki, informasiya savaşında düşmənə qarşı Günaz tv mərkəzi rol oynayıb və son zamanlarda qırmızı bayrağın mübarizə rəmzi kimi təsdiqlənməsində Günaz tv çox əhəmiyyətli rol oynamışdı. Bu hesabla təccüb yeri yoxdur ki, Günaz tv - yə və xüsusən Əhməd Obalıya qarşı şantaj siyasəti aparılır. Aydıncasına belə demək olar, bu şantaj siyasəti aparanlar ETTELAAT -ın məmurları, şahçılar, manqurtlar və antitürk kommunistər təşkil edirlər. Adın çəkdiyim bu qara qüvvələrin öz aralarında güclü münaqişələr və fikir ayrılıqları var. Lakin, bizə qarşı döyüşdə hamısı birləşib, bir hədəfə vura bilirlər. Ona görə də, səsləri güclü çıxır. Düşmən olanda nə olar? Yaxşı şeydən dərs almaq lazımdır! Əlbəttə, bunun müsbət bir cəhəti də var, elə bu qara qüvvələrin qırmızı bayarağa müxalif çıxması, bizim addımımızın nə qədər düzgün olmasın sübut edir. Deyirlər, bir tanınmış alım bir gün sinif otağına çatandan sonra çox kədərli görünür. Bu zaman şagirdlərdən birisi ondan sual edir: Nə üçün siz bu qədər kədərli görünürsünüz? O, cavab verər: Bura gələrkən  tanıdığım bir neçə cahil adama yolda rast gəldim. Onlar məni görərkən başladılar birbaşa məni tərifləməyə. Bu məndə çox ağır kədərə və ürəkağrısına səbəb oldu. Özümdən soruşuram: Mən nə yanlış iş görmüşəm və ya fikir yaymışam ki, bu cahil adamların bir belə xoşuna gəlib.Qeyd etməliyəm ki, bu qara qüvvələrdən də əlavə, bizim tanıdığımız bəzi milli fəallar və Mahmudəli Çehraqanlının tərəfdarları da qırmızı bayraqla müxalifdirlər. Təbiidir, biz onların tənqidi fikrilərinə sayqı ilə yanaşmalıyıq.Söhbətləşdi: Eluca Atalı