Contact Us

SON XƏBƏRLƏR

Azərbaycanda Parlament seçkiləri ilə əlaqədar təbliğat-təşviqat kampaniyasına start verildi

2021.10.20, 07:36
Azərbaycanda Parlament seçkiləri ilə əlaqədar təbliğat-təşviqat kampaniyasına start verildi

Gunaz.tv

GünAzTv: Azərbaycanda keçiriləcək parlament seçkiləri ilə əlaqədar deputatlığa namizədlərin təbliğat-təşviqat kampaniyasına start verilib.

Qanunvericiliyə görə, təşviqatın aparılması seçki gününə 24 saat qalmış, yəni noyabrın 6-da saat 08.00-da dayandırmalıdır. Bu, həm qeydə alınmış namizədlərə, həm namizədi qeydə alınmış siyasi partiyalar və seçki bloklarına aiddir.Seçki qanunvericiliyinə görə, parlament seçkiləri ilə əlaqədar kütləvi informasiya vasitələrində seçkiqabağı təşviqat aparmaq məqsədilə seçki dairələrinin 60-dan çoxunda namizədləri qeydə alınmamış siyasi partiyalara və ya siyasi partiyaların bloklarına ödənişsiz efir vaxtı ayrıla bilər. Pulsuz efir vaxtı və rəsmi qəzetlərdə dərc üçün yer ayrılması ilə bağlı MSK bu il sentyabrın 24-də açıqlama yayıb. Həmin açıqlamaya əsasən bu il noyabrın 7-də Azərbaycan Milli Məclisinə seçkilərdə kütləvi informasiya vasitələrində (KİV) seçkiqabağı təşviqat aparmaq məqsədilə seçki dairələrinin 60-dan çoxunda namizədləri qeydə alınmış siyasi partiyalara və ya siyasi partiyaların bloklarına ödənişsiz efir vaxtı və dərc üçün yer ayrılacaq. Ödənişsiz efir vaxtı və dərc üçün yer ayıracaq KİV-lərə İctimai Televiziya və Radio Yayımları Şirkəti, “Azərbaycan”, “Xalq qəzeti”, “Respublika” və “Bakinski raboçi” qəzetləri daxildir. Hələlik yalnız hakim Yeni Azərbaycan Partiyasının 60-dan çox dairədə qeydə alınmış namizədi var.Qeyd edək ki, indiyədək 695 nəfərin deputatlığa namizədliyi qeydə alınıb, 13 nəfər isə namizədliyini geri götürüb. Mərkəzi Seçki Komissiyasından verilən məlumata görə, noyabrın 7-də Milli Məclisə keçiriləcək seçkilərdə iştirak etmək üçün 1412 nəfər imza vərəqi götürüb. Onlardan 1115-i imza vərəqlərini və digər zəruri sənədləri DSK-lara təqdim edib. 297 nəfər imza vərəqlərini geri qaytarmayıb, 74 nəfər isə namizədlikdən imtina edib.

SEÇİLMİŞ XƏBƏRLƏR

Çox oxunanlar