GünAzTv: Oktyabrın 14-də İran prezidenti Mahmud Əhmədinejadın Livana iki günlük səfəri başa çatıb. Səfəri sonuncu günü o, ölkənin Cənub rayonlarına, İsraillə həmsərhədd bölgəyə səfər edib.

İran rəsmisinin bu ölkəyə səfərindən öncə onun rəmzi olaraq, israilə saır daş tullayacağı haqda xəbərlər gəzirdi. Ancaq sonradan Livandakı «Hizbulla» liderləri bu məsələdən rahatsız olanlara bildirmişdi ki,  Əhmədiejad «daş atmayacayaq». Doğrudan da o, səfər zamanı İsraili «daşlamaqdan» vaz keçdi.

GünAzTV-nin «BBC»-yə istinadən məlumatına görə, ABŞ M.Əhmədinejadın Livana səfərini «təxribat» adlandırıb.

Tehran təmsilçisi isə Beyrutdakı çıxışında əvvəllər dediklərini fərqli sözlərlə təkrarlayıb.

«Livan – dünya tiranlarına qarşı müxalifət məktəbi, cihad universitetidir»-deyə, onu qarşılayanalar qarşısında çıxışında bəyan edib.

Terrorçu «hizbulla» təşkilatının lideri Həsən Nəsrulla isə mitinqdəki çıxışında İran prezidentinin Livana yeni siyasi layihə ilə gəldiyi haqda Qərbdə yayılan xəbərləri yalanlayıb.

Beyrutdda «Hizbulla» və «Amal» adlı şiə hərəkatı tərəfindən təşkil olunmuş mitinqdə H.Nəsrulla Əhmədinejadı «Livan xalqı, siyasi və dini təşkilatların liderləri, müqavimət hərəkatının döyüşçüləri, şəhidlər» və s. qruplar adından salamlayıb.

«Hizbulla» liderinin sözlərinə görə, İran Yaxın Şərqdə  «ərəb layihəsini» dəstəkləyir. Həmin plana əsasən, Fələstin topaqlarında Fələstin dövləti yaradılmalıdır. Aralıq dənizindən İordan çayına qədər əraziyə fələstinlilər qayıtmalı, habelə, müsəlmanlar və xristianlar öz müqəddəs torpaqlarına dönməlidir.

Nəsrulla qeyd edib ki, o, «İranın mərd və bütün mətləbləri açıq-aşkar danışan prezidentini dəstəkləyir». «İlk növbədə mən İsrail dövlətinin qanunsuz olduğunu, onun mövcudluğunun dayandırılması ilə bağlı onun söylədkilərini dəstəkləyirəm»-deyə, «hizubulla»çı bildirib.

Onun qənaətincə, İslam Respublikası «müsəlman dünyasının təminatçısı rolunda çıxış edir». Nəsrulla livanlıları, fələstinliləri və başqa ərəbləri İran liderlərinin «sözünə qulaq asmağa» çağırıb.

Əhmənejad qeyd edib ki, İran hakimiyyəti «Hizbulla»nın işğal altında olan torpaqların «silahlı müqavimətini» dəstəkləyir. İran prezidentinin fikrincə, «ərəb-İsrail münaqişəsinin yegeanə yolu sionistlərin işğal etdyi ərazidən qovulmasıdır».

Beyrutdakı çıxışında İran prezidenti dünyadakı az qala bütün bəla və problemləri, o cümlədən Yer kürəsində iqlim dəyişməsi,ətraf mühitin çirklənməsini  ABŞ və İsrailin yaratdığını söyləyib :«Sinoistlərə qarşı Fələstin, Livan, Suriya, Türkiyə və İranda yaranmış müqavimət cəbhəsi sionist dövlətinin çürüyəcəyini əminlik əminiklə söyləməyə imkan verir. Onu bu heç kim xitlas edə bilməyəcək».

Bu səfəri çeşidli açılardan dəyərləndirmək olar. Amma ən başlıcası fikrimizcə, Tehran hakimiyyəti Əhəmdinejadın Livana səfəri ilə «Hizbulla» kimi terrorçu qurumlar tərəfindən dəstəkləməsi timsalında özünün bölgədə güc yiyəsi olduğunu nümayiş etdirməyə çalışır.

Çünki M.Əhmədinejad Nyu-Yorkda jurnalistlərə müsahibəsində bildirmişdi ki, Tehran nüvə silahı ilə bağlı beynəlxalq normaları pozmayıb. O, xəbərdarlıq edərək, söyləmişdi : «İranın nüvə obyektlərinə hücum sərhədsiz savaşın başlamasına təhrik ola bilər…ABŞ heç vaxt, nə Vyetnamda, nə Əfqanıstanda, nə də İkinci Dünya Savaşında gerçək müharibəyə girişməyib»-deyə İranın hökumət başçısı söyləyib. Onun sözlərinə görə, İranın nüvə obyektlərinə ABŞ –ın dəstəyi ilə İsrailin istənilən hücumu dəf ediləcək : «Savaş – hansı bir yerin bombalanması demək deyil. O, başlayanda sərhəd tanımır».

Ehtimal etmək olar ki, Livana səfərin mahiyyətində də  «sərhədsiz savaşı» apara biləcək qüvvələrin bir olduğunu göstərməkdir.

Türkiyənin də İsrailə qarşı «qüvvələr sırasında olduğunu» söyləməklə Əhmədinjed rəsmi Ankaranını yəhudi dövlətinə münasibətini İslam Respublikasınınkı ilə eyniləşdirib. Habelə Ərdoğan hökumətinin ayətulla Xamneyidən heç nə ilə fərqlənmədyini dünyaya çatırmağa cəhd göstərib.

Nəsurlla «İran Yaxın Şərqdə  ərəb layihəsini dəstəkləyir» deyimindən belə bir nəticə çıxarmaq olar ki, İslam Respublikası başqa ərəb dövlətləri ilə aralarında olan problemlərin həllində Livanın vasitəçi olmasını istəyir. Elə

«hizbulla» liderinin «Əhmədinejad Livana yeni siyasi layihə ilə gəlməyib deməsi» mesajı da bu məsələdən xəbər verə bilər.

Xatırladaq ki, BMT Təhlükəsizlik Şurasının sonuncu qətnaməsinə ərəb dövlətləri də laqyed qalmayıb. Birləşmiş Ərəb Əmirliyi İslam Respublikası ilə iqtisadi –ticarət əlaqələri məhdudlaşdırıb. Səudiyyə Ərəbistanı isə 84 milyard dollarlıq silah alıb və s…

Sədrəddin Soltan