GünAzTv: İranın müdafiə naziri Əhməd Vahidi Azərbaycana iki günlük rəsmi səfəri başa vurmuş və Tehranda səfərin nəticələri haqda mətbuat konfransı keçirmişdir. O, səfərin nəticələrini qənaətbəxş hesab edərək bildirib ki, Azərbaycan respublikasının müxtəlif siyasi və hərbi rəsmiləri ilə görüşüb ikitərəfli münasibətlər və regionda sülh və stabillik məsələlərini müzakirə edib. O bildiribki, “keçirdiyim görüşlərdə, əsasən iki ölkənin hərbi potensiallarını müzakirə edib, araşdırdıq. İran Azərbaycanla hərbi əməkdaşlığı genişləndirmək niyətindədir”.

Vahidi səfər zamanı Xəzər dənizinin təhlükəsizliyi və sabitliyi məsələlərinin də müzakirə mövzusu olduğunu deyib. İranın müdafiə naziri səfər zamanı Azərbaycan prezidenti İlham Əliyev, müdafiə Naziri Səfər Əbiyev və Azərbaycanın Xarici İşlər naziri Elmar Məmmədyarovla görüşdə İranın Azərbaycan torpaqlarının işğalını pislədiyini, azərbaycanlı qaçqın və məcburi köçkünlərin öz doğma yurdlarına dönəcəyinə ümidvar olduğunu bildirib.

Vahidi Tehranda keçirdiyi mətbuat konfransında bu görüşün nəticələr barədə bildirib ki, iki ölkə arasında əvvəlcədən hərbi əməkdaşlıq haqda müqavilələr mövcud olub və bu səfər zamanı münasibətlərin daha inkişafı və prespektivi haqda məsələlər müzakirə olunub. O bildirib ki hər iki ölkə geniş hərbi potansielə malik olduğundan iki ölkə arasında hərbi əməkdaşlığın vacibliyi məsələsi meydana çıxır.

O,  Xəzər dənizinin sülh və dostluq dənizi olduğunu bildirərək bu vəziyyətin qorunub saxlanılmasının əhəmmiyyətli olduğunu da təkidlə bəyan edib. Vahidi bütün xəzəryanı ölkələrlə İranın normal dostluq əlaqələri olduğuna işarə edərək, bu dənizdə İran və Azərbaycanın ikitərəfli hərbi təlimlər keçirməsi məsələsinə də müsbət baxdığını bildirib.

Vahidinin Aazərbaycana səfəri heç bir müqavilə imzalamadan demək olar ki nəticəsi sona çatdı. Iki ölkə səfərin nəticələri ilə bağlı birgə bəyannamə də imzalamayı. Səfər zamanı müzakirə olunan məsələlər əvvəllər də İran və Azərbaycan rəsmilərinin müzakirəsinə çıxarılmışdı. İran və Azərbaycan arasında olan münasibətlər də hələ ki, əvvəlki müqavilələr səviyyəsindən artıq səviyyəyə gəlməyib.

İran Azərbaycanın ABŞ və İsraillə siyasi və hərbi münasibətlərindən narahatlıq küçirir. ABŞ-ın Russiya ilə birgə qəbələ Radarından istifadəsini İranın təhlükəsizliyinə zərbə kimi dəyərləndirir. Bu səbəbdən Azərbaycanla münasibətləri normal səviyyədə saxlamağa çalışır.

İranın Ermənistanla dostluq münasibəti və Cənubi Azərbaycan məsələsi eləcə də Azərbaycanın Qərb yönümlü siyasətı və İsraillə mövcud münasibətləri iki ölkə arasındakı ciddi problemlər hesab olunur. Bu amillər iki qonşu ölkənin bir-biri ilə yaxınlaşmasına və ya uzaqlaşmasına mane olan amillərdir. Araztm