GünAzTv: “İraq Iraqda yerləşən Kərkükün bir saatlı bombadan fərqi yoxdur”. bu sözləri Böyük Britaniyanın "Time" qəzeti yazıb.

GünAzTv mətbuat mərkəzinin SİA-ya istinadən yaydığı məlumata görə, Şəhərdə yaşanan sərt təriqət ayrılıqlarını Bosniya və Qərbi Şerbiadakı vəziyyətlə müqayisə edən qəzet qığılcımın hər an alova çevriləcəyini qeyd edib: “İşğalçı ABŞ (Amerika Birləş Ştatları) əsgərləri yerli xalqa əsəblərinə hakim olmalarını nəsihət etdiyi bir vaxtda neft savaşı səmada gəzir. Bu gün qarşıdurmaların mərkəzi olmuş Kərkükün qarşısında yeni bir mübarizə var: şəhərin ağrılı keçmişi, xaos dolu bu günü və neft zəngini olan gələcəyi 24 Oktyabrdakı siyahıyaalınmaya görə bir-birinə qarışacaq. Siyahıyaalınma isə söhbət Kərkükdən getdiyi üçün sadə bir məsələ deyil. Kürdlər, sünni ərəblər və türkmənlər Kərkükü və nefti öz atalarının müqəddəs mirası olaraq görür. Eyni zamanda sayı getdikcə azalan xristianların da Kərküklə bağlı 2 min il tarixi olan xatirələri var”.

Qəzetin yazdığına görə, şəhərin yaxınlığında yerləşən zəngin neft yataqları bu vəziyyətdən yararlanmaq istəyən regional güclərin də iştahını artırır. Bildirilir ki, 1956-cı ildən indiyə kimi siyahıya alınmayan Kərkükdəki siyahıyaalınma yalnız şəhərdəki kürd, ərəb və türkmənlərin meydana gətirdiyi yeni əksəriyyətə bir zərbə vurmağa yarayacaq.

Hər kəs bir-birini günahlandırır

Ərəblər kürdləri 2003-cü ildəki işğaldan sonra şəhərə və şəhərətrafına axın etməkdə, bir sözlə şəhərdəki bütün əhəmiyyətli mövqeləri ələ keçirməkdə günahlandırır. Bölgənin

sünni əhalisini təmsil edən Ərəb Siyasi Şurasının qurucusu Abdul Rəhman Munşid qeyd edib ki, “Kərkük üçün ən böyük təhlükə siyahıyaalınmadır. O, ərəbləri və türkmənləri siyahıyaalınmanı boykot etməyə çağırıb: “2003-cü ildən bu yana bütün idarəçilik kürdlərin əlindədir. Biz ortalıq sakitləşənə qədər gözlənilməsini istəyirik”.

Kürdlər isə şəhərdə iqtidar qurduqları iddiaları rədd edir. Əksinə, onlar Səddam Hüseynin “ərəbləşdirmə” siyasəti ilə etnik təmizləmə nəticəsində minlərlə kürdün və türkmənin evlərindən qovulduğunu və bu insanların yerlərinə İraqın cənubundan gələn ərəblərin yerləşdirildiyini iddia edir. “İllərlə Səddamın ordusuna qarşı partizan müharibəsi aparan kürdlər Kərkükə və sahib olduğu neftə qürur və həyat qaynağı olaraq baxır” yazan qəzet Şimali İraq regional rəhbərliyinin baş naziri Bərham Sahilin bu ifadələrini verib: “Kərkük kürdlərin çəkdiyi əziyyətin əvəzidir, Səddamın rəhbərliyi altında çəkilən böyük ağrıların simvoludur. Bütün kürdlər üçün çox əhəmiyyətli olan bir həll variantını görmək istəyirik”.

Sünni ərəblərlə siyasi əməkdaşlıq edən türkmənlər, kürdlər tərəfindən sıxışdırıldığını düşünür. Buna baxmayaraq, türkmənlərin həm Kərkükün ticarət mərkəzlərində əhəmiyyətli yeri, həm də Türkiyədə əhəmiyyətli dəstəkləri var. Kərkükün polis idarəsində vəzifə sahibi olan türkmən Najim Ömər “əgər bir ərəb və ya türkməndən soruşsanız siyahıyaalınmaya qarşı çıxar, amma bir kürd üçün vəziyyət fərqlidir. Bu şəhər qaz sızan bir təbii qaz borusu kimidir” deyib.

Muxtariyyət referendumu

Müzakirələrə səbəb olan siyahıyaalınma Kərkükün muxtar bir bölgə, yoxsa şəhər-dövlət statusunun təyin edilməsi üçün keçirilə bilən referendumun da qabağını aça bilər. Bu 2005-ci ildə qəbul edilən İraq konstitusiyasında da əksini tapıb. Siyahıyaalınmanın nəticəsi referendumda kimin səsvermə hüququndan istifadə edə biləcəyini müəyyən edəcək. Kürdlər alınacaq nəticə ilə haqlarının gücləndiriləcəyinə inanır və Bağdad hökumətinin arxalarında olduğunu düşünür.

Xristianlar şəhərdən qaçır?

Kərkükdəki min illik Keldani xristian camaatının lideri baş yepiskop Luis Sako cinayətə qurban getmək və qaçırılmaqdan qorxan xristianların şəhəri tərk etdiyini və əhalinin 30 mindən 11 minə endiyini bildirib. Kərkükdəki müxtəlif qruplar arasında vasitəçilik edən Sakonun sözlərinə görə, şəhərdə hər kəs qorxu içində hadisələri gözləyir: “İnsanlar evlərinin gələcəkdə kürdlərə və ya Bağdada aid olub-olmayacağı ilə bağlı əmin deyillər. Kimsənin, hətta kilsənin belə gələcəyə dair dəqiq bir planı yoxdur. Hamımız müdafiəsiz qalmışıq, belə yaşamaq olmaz”.