İran rejimindən müxaliflərə qarşı həbs cəzası...

SON XƏBƏRLƏR

İran rejimindən müxaliflərə qarşı həbs cəzası...

2021.10.20, 07:36

Gunaz.tv

GünAzTv: 1979-cu ildə qurulmuş İran İslam Respublikasının ilk xarici işlər naziri İbrahim Yəzdi oktyabrın 1-i İsfahanda həbs olunub. Həmçinin İran Demokrat Cəbhəsinin rəhbəri, İranın İnsan Haqları və Demokratiya üçün Həmrəylik Şurasının sözçüsü Heşmətullah Təbərzədinə isə hökm oxunub.

GünAzTv mətbuat mərkəzinin “Media forum” saytına istinadənyaydığı məlumata görə, Yəzdini cümə namazından sonra qeyri-qanuni toplantı təşkil etmək adı ilə tutublar.

79 yaşlı Yəzdi fəaliyyəti qadağan olunmuş İran Azadlıq Hərəkatı Partiyasının lideridir. Liberal görüşləri ilə tanınan Yəzdi 1979-cu ildə islamçı tələbələr ABŞ səfirliyini ələ keçirib diplomatları girov götürdükdən sonra istefa vermişdi.

İran mənbələrinin məlumatına görə, Yəzdi hökumətə siyasətlə məşğul olmayacağı haqda yazılı iltizam versə də, son zamanlar İran Azadlıq Hərəkatı Partiyasının əyalətlərdə öz fəaliyyətini bərpa etmişdi. Yəzdi ilə birlikdə qurumun digər rəhbəri Haşım Səbbaqiyan və daha 6 partiya fəalının həbs olunduğu bildirilir.

Digər xəbərə əsasən İran Demokrat Cəbhəsinin rəhbəri, İranın İnsan Haqları və Demokratiya üçün Həmrəylik Şurasının sözçüsü Heşmətullah Təbərzədinə höm oxunub.

Tehran məhkəməsi Təbərzədini 9 il müddətinə azadlıqdan məhrum edib. O həmçinin 74 şallaq zərbəsinə məhkum edilib.

Təbərzədi 9 aydan çoxdur zindanda saxlanır. O, 2009-cu ilin iyununda İranda keçirilən prezident seçkisinin rəsmi nəticələrinə qarşı kütləvi etiraz aksiyalarından sonra tutulub. Tehran məhkəməsi onu ölkənin milli təhlükəsizliyinə qarşı çıxmaqda, qanunsuz toplantılar keçirməyə cəhddə və dini rəhbər ayətullah Əli Xamneyini təhqir etməkdə təqsirli bilib.

Hazırda Kərəc şəhərinin Rəcayişəhr zindanında saxlanan Təbərzədinin müxtəlif xəstəliklərdən əziyyət çəkdiyi bildirilir.

GUNAZ.TV

SON XƏBƏRLƏR