Alek Yeniqomşyan: “Ermənilərin kökü kəsilir”

SON XƏBƏRLƏR

Alek Yeniqomşyan: “Ermənilərin kökü kəsilir”

2021.10.20, 07:36

Gunaz.tv

GünAzTv: “Erməni xalqı demoqrafik fəlakətlə üz-üzədir”. Bu bəyanatla ASALA erməni terror təşkilatının üzvü Alek Yeniqomşyan çıxış edib.

O, “Ermənistan Respublikasının sosial-iqtisadi vəziyyətinin qiymətləndirilməsi və çıxış yolları” mövzusunda toplantıda bildirib ki, əgər hazırkı vəziyyət davam etsə, bir neçə onillikdən sonra Ermənistan və erməni xalqı Yer üzündən silinəcək. ASALA üzvünün sözlərinə görə, 20 il əvvəl Ermənistan, Cavaxetiya (Gürcüstan) və Dağlıq Qarabağ (Azərbaycan) ərazilərində 3,7 milyona yaxın erməni yaşayıb: “İndi isə bu ərazilərdə 2,2-2,3 milyon erməni yaşayır. Yəni, ermənilərin sayı 40 faiz azalıb. 20 il ərzində ermənilərin sayında 1,4-1,5 milyonluq azalmanın səbəbi miqrasiya və əhalinin təbii artımının olduqca aşağı olmasıdır”.GünAzTv mətbuat mərkəzinin "Ans press"-ə istinadən yaydığı məlumata görə, Alek Yeniqomşyan ermənilərin miqrasiyasının səviyyəsindən də danışıb. Onun sözlərinə görə, 2008-ci ildən sonra miqrasiyanın səviyyəsində kəskin artım müşahidə olunur: “Əgər 2008-2009-cu illərdə miqrasiyanın səviyyəsi ildə 23-25 min nəfər təşkil edirdisə, 2010-cu ilin ilk 8 ayı ərzində Ermənistanı 61 min nəfər birdəfəlik tərk edib. Əgər miqrasiya bu səviyyə ilə artsa, ilin sonunadək miqrantların sayı 91-92 min nəfərə çatacaq. Beləliklə, 13-14 ildən sonra Ermənistan əhalisinin sayı 1 milyondan da az olacaq. Əgər miqrasiyaya əsas verən səbəblər aradan qaldırılmasa, bu il qeydə alınan səviyyənin olduğu kimi qalacağına təminat yoxdur. Əksinə ildən-ilə miqrantların sayında artım olacaq”.ASALA üzvü bildirib ki, proqnozlara görə, 2050-ci ildə Türkiyənin əhalisi 100 milyon nəfərə çatacaq: “Bu il İran əhalisinin sayı 100 min nəfərə çatacaq. O cümlədən, əhalinin 40 milyon nəfərini Ermənistanın cənub sərhədlərində yaşayan Azərbaycan türkləri təşkil edəcək. Bu müddət ərzində Azərbaycan əhalisinin artacağı da dəqiqdir. Beləliklə, bir neçə yüz min əhalisi olan Ermənistan sayı yüz milyonlarla ölçülən dost olmayan ölkə və xalqların yaratdığı təhlükəyə tab gətirə bilməyəcək”.Alek Yeniqomşyanın sözlərinə görə, əhalinin artım səviyyəsinin olduğu kimi qalması üçün reproduktiv yaşda olan hər bir qadının payına 2,1 uşaq düşməlidir: “Yəni əhali sayının ən artması, nə də azalmaması üçün reproduktiv yaşda hər bir qadının 2,1 uşağı olmalıdır. Ermənistanda isə bu göstərici 1,36-dır. Bu rəqəm hər şeyi deyir”.

GUNAZ.TV

SON XƏBƏRLƏR