Contact Us

SON XƏBƏRLƏR

Razi Nurullayev: İranda hakimiyyət böhranı dərinləşə bilər

2021.10.20, 07:36
Razi Nurullayev: İranda hakimiyyət böhranı dərinləşə bilər

Gunaz.tv

GünAzTv: Politoloq Razi Nurullayev Iran parlamenti üzvlərinin bəyanatının önəmli mesaj olduğunu deyir. Ekspertin fikrincə, bunun nəticəsində ölkədə hakimiyyət böhranı dərinləşə, Əhmədinejadın hakimiyyətinə qarşı yeni bir təhlükə ocağı yarana bilər.

İran parlamentinin 170 deputatı prezident Əhmədinejada qarşı etiraz bəyanatı verib. Buna səbəb ölkə başçısının Nyu-York səfəri ərəfəsində mətbuata verdiyi açıqlamada icra hakimiyyətinin ölkədə ən yüksək dövlət orqanı olduğunu deməsidir. Prezident bildirib ki, parlamentin ən ali orqan sayılması dövrü artıq bitib. Buna etiraz edən deputatlar Əhmədinejadı konstitusiyanı təhrif etməkdə, Ayətullah Xomeyninin və hazırkı dini rəhbər Xamneyinin mövqeyinə zidd davranmaqda günahlandırıblar.Xatırladaq ki, bu son bir neçə ayda parlamentin Əhmədinejada qarşı ikinci etirazıdır. Qanunverici orqanla prezident arasında yaranan ziddiyyət hakimiyyət böhranına səbəb ola bilərmi?Politoloq Razi Nurullayev Iran parlamenti üzvlərinin bəyanatının önəmli mesaj olduğunu deyir. Ekspertin fikrincə, bunun nəticəsində ölkədə hakimiyyət böhranı dərinləşə, Əhmədinejadın hakimiyyətinə qarşı yeni bir təhlükə ocağı yarana bilər. Çünki parlamentin prezidentin əleyhinə getməsi, onu birbaşa Xamneyiyə qarşı çıxmaqda günahlandırması din xadimləri arasında böyük təşvişə səbəb olacaq: “Iranın gələcəyini düşünən bir sıra tərəqqipərvər din xadimləri, bəzi məmurlar hesab edir ki, hazırda Əhmədinejadın apardığı birtərəfli siyasət Iranı məhvə sürəkləyə, iqtisadiyyatı çökdürə bilər. Ölkədə siyasi böhranın başlanmasına səbəb olar. Bunun nəticəsində Iranın mövqeləri zəifləyər”.Ekspertin sözlərinə görə, Iranın yürütdüyü siyasət onun nəinki beynəlxalq aləmdə, eyni zamanda müttəfiqləri arasında nüfuzunun itirilməsinə səbəb olub. Bu isə cəmiyyətdə narahatlıq yaratmaqdadır: “ABŞ-ın (Amerika Birləşmiş Ştatları) bir çox beyin mərkəzlərinin verdiyi məlumatlar əsasında ərəb dövlətləri Irandan gələn təhlükəyə qarşı silahlanmağa başlayıb. Bu məsələlər Iranın daxilində böyük narazılıqlar yaradır. Belə olan halda Əhmədinejadın indiki siyasəti onun səlahiyyətini axıra qədər icra edə bilməməsi ilə nəticələnə bilər”. Azadlıq

SEÇİLMİŞ XƏBƏRLƏR

Çox oxunanlar