Məhəmməd Xatəmi islahatçıları daha fəal olmağa çağırır

SON XƏBƏRLƏR

Məhəmməd Xatəmi islahatçıları daha fəal olmağa çağırır

2021.10.20, 07:36

Gunaz.tv

GünAzTv: İslahatçı saytlarının son zamanlarda verdiyi məlumatlara əsasən rəsmi qurumlara və xəbər agentliklərinə yazılı göstəriş verilib ki, islahatçılarla bağlı xəbərləri verməkdən imtina etsinlər.

İranın keçmiş prezidenti Məhəmməd Xatəmi, “İslahatçı Təşkilatlar Cəbhəsinin Kordinasiya Mərkəzinin” (İTCKM) üzvləri ilə görüşdə “İranda xalqın əksəriyyəti İslahatçıların tərəfindədir” deyərək İTCKM-nin daha aktiv şəkildə fəaliyyət göstərməsini tələb edib.

İslahatçılara məxsus “Kələmə” saytının vediyi məlumata əsasən Xatəmi bu görüşdə “bizim sözlərimiz və istəklərimiz xalqın ürəyincədir” deyərək əlavə edib: “Əgər hakimiyyət orqanları buna inanmırlarsa onda nədən rəsmi qurumlara göstəriş veririblər ki, islahatçı liderlərin adını çəkməsinlər? Nədən xəbər orqanlarına islahatçılarn xəbərlərini verməyi qadağa edirlər?”

İslahatçı saytlarının son zamanlarda verdiyi məlumatlara əsasən rəsmi qurumlara və xəbər agentliklərinə yazılı göstəriş verilib ki, islahatçılarla bağlı xəbərləri verməkdən imtina etsinlər. Xatəmi bu məsələyə işarə edərək bildirib ki, Allaha şükür indiki zamanədə rabitə sistemləri elə inkişaf edib ki, bələ sıxıntılar heç bir mənfi təsir göstərmir.

Xatəmi şura üzvlərindən həm də xahiş edib ki, belə bir dövrdə fəaliyyətlərini maksimum dərəcədə artırsınlar. Xatəmi şura üzvlərindən xalqın bütün təbəqələri ilə görüşlərini təşkil etmələrini, müxtəlif fəaliyyət proqramları hazırlamalarını və ölkədə baş verən bütün hadisələrə reaksiyalar göstərmələrini istəyib. O, bildirib ki, islahat cəbhənin bütün fəaliyyətləri qanun çərçivəsində aparılır və İran qanunlarının heç bir maddəsi indiyə qədər islahatçılar tərəfindən pozulmayıb. İranın keçmiş prezidenti son zamanlarda islahatçı liderlərə və dini xadimlərə hakimiyyət tərəfdarlarının hücumuna da toxunaraq, belə əməlləri ciddi şəkildə tənqid edib.

İranda islahatçılar tam silinib və məhv olmalarından ehtiyatlanaraq gündəmi ələ almağa çalışırlar. Bütün KİV-dən məhrum olan İran müxalifəti tədbirlər və internet saytları vasitələri ilə xalqla əlaqə saxlamağa və gündəmdə qalmağa çalışırlar. Hakimiyyət onların bütün kanallarını və xalqla irtibat sistemlərini ləğv edib. Hətta onların öz evlərində müxtəlif təbəqələrdən gələn ziyarətçiləri belə qəbul etmə imkanları məhdudlaşdırılıb. Bu isə islahatçı liderlərin ev dustağı kimi olması deməkdir. Bu səbəbdən Xatəmi İTCKM-dən daha fəal olmağı və islahatçıların tribunası olmaq üçün təşəbbüs göstərməyi tələb edir. Araztm

GUNAZ.TV

SON XƏBƏRLƏR