Contact Us

SON XƏBƏRLƏR

İranın nüvə stansiyasına qarşı virus hücumu olub

2021.10.20, 07:36
İranın nüvə stansiyasına qarşı virus hücumu olub

Gunaz.tv

GünAzTv: Buşəhr stansiyasının kompüterlərinə dövlət səviyyəsində hazırlanmış «Stuxnet» virusları nüfuz edib.İran İRNA rəsmi xəbər agentliyi kompleks kompüter virusunun Buşəhr nüvə stansiyasında işləyən personaldan bəzilərinin fərdi kompüterlərinə nüfuz etdiyini açıqlayıb. Buşəhrdəki əməliyyat sistemlərinin isə virusun təsirinə məruz qalmadığı. Qeyd edək ki, nüvə təsisatının bir neçə həftə ərzində işə düşəcəyi gözlənilir.«Stuxnet» adlanan virusun İndoneziya, Hindistan və Pakistanda da aşkara çıxdığı, amma ən çox İrana nüfuz etdiyi bildirilir. Virusun mürəkkəb proqramı kompüter mütəxəssislərində «Stuxnet»in İranın nüvə proqramına qarşı təxribat planının tərkib hissəsi olduğununa dair fikirlər yaradır. Bəzi mütəxəssislər çox mürəkkəb olaraq xarakterizə etdikləri proqramın yalnız dövlət səviyyəsində hazırlana biləcəyini düşünürlər. «Stuxnet» Almaniyanın texnologiya nəhəngi «Siemens» tərəfindən hazırlanan və su ərasizizi, neft platformaları, enerji stansiyaları kimi təsisatlarda istifadə edilən texnologiyanın zəif yerlərini hədəfə alır.«Stuxnet»in fərdi kompüterlərdə aşkarlanması Buşəhr nüvə stansiyasının gələn ay işə düşməsinə əngəl yaratmayacaq. Təsisatın kompüter əməliyyat sisteminə görə cavabdeh şəxs Mahmud Cəfəri bir qrupp mütəxəssisin kompüterləri virusdan təmizləməyə başladıqlarını söyləyib.«Stuxnet»in böyük bir təsisatı hədəfə almaq üçün hazırlanmış ilk virus proqramı olduğu düşünülür. Sənaye Nazirliyi məlumat texnologiyaları şöbəsinin müdiri Mahmud Liayı isə «İrana qarşı elektron müharibə aparıldığını» iddia edib. Liayi keçən həftə bir qrup mütəxəssisin indiyədək 30 min IP ünvanına nüfuz edən virusla mübarizə aparmaq üçün strategiya müəyyən etmək üçün bir araya gəldiyini bildirib.

SEÇİLMİŞ XƏBƏRLƏR

Çox oxunanlar