“Güney Azərbaycan Milli Azadlıq Cəbhəsi”-nin İngiltərədə keçiriləcək aksiyaya dəstək BƏYANATı

SON XƏBƏRLƏR

“Güney Azərbaycan Milli Azadlıq Cəbhəsi”-nin İngiltərədə keçiriləcək aksiyaya dəstək BƏYANATı

2021.10.20, 07:36

Gunaz.tv

GünAzTv: Güney Azərbaycan Milli Azadlıq Cəbhəsi İngiltərədə keçirəcək ”Friends of South Azerbaijan” adı altında etiraz aksiyasında iştirak edərək, dəstəkləyir və İngiltərədə yaşayan Azərbaycanlıları bu aksiyaya qoşulmaga çağırır.

Bu gün İran islam rejimi beynəlxalq hüququn qəbul etdiyi ümumi prinsip və normaların, habelə insan hüquq və azadlıqlarının kobud sürətdə pozulmasinda ən qabaqcıl ölkələr sırasındadır. Bu rejim yürütdüyü ifrat antidemokratik, rasist, şovinist siyasətilə həm fiziki, həm də mənəvi mənada orada yaşayan qeyri-fars millətlərin, o cümlədən Azərbaycanlıların fərdi, ictimai, milli haqlarını pozur və onlara öz taleyini təyin etmək məsuliyyətinin verilməsinin qarşısında durur. Bu qeyri-insani sistemin arxalandığı hegemonluğun tarixi və ideolojik nəzəriyyəsi insanlığın məhvinə yönəlmiş davranış və düşüncəy əsaslanır. Məqsəd yönlü olaraq Azərbaycan türklərinə qarşı aparılan umumi nifrət kompaniyası dövlətin rəsmi dairlərində, dərslik kitablarında, qəzet və jurnallarda, tv verlişlərində, idman yarışlarında özünü göstərməkdədir. Hər hansı bir toplantıda, TV verilişlərində Azərbaycanlıların dili, mədəniyyəti və yaşam tərzi gülüş və təhqir obyektinə çevirilir, məsxərə edilir. Azərbaycanlılar mənsub olduqları etnik, mədəni, siyasi və tarixi xüsusiyyətlərinə görə həmişə haqsızlıqlara qarşı olmuş və bu gün də İran hakimiyyətinin apardığı anti-Azərbaycan siyasətinə qarşı ciddi mübarizə aparırlar. Rejimin bəşəriyyətə, insanlığa zidd siyasətinə sivil formada etirazini bildirən bir çox Azərbaycanlı ağır basqılarına, işgəncələrə, əsassız məhkəmə qərarları ilə uzun müddətli həbslərə məruz qalırlar. Bu gün dünya ictimayyətinin gündəmində olan Azərbaycanlı ” Səkinə Məhəmmədi Aştiyani ” haqqında çıxarılan daş-qalaq hökmü İranda Azərbaycanlılara tətbiq olunan ədalətsiz məhkəmə qərarlarının bariz nümunəsidir.

Güney Azərbaycan Milli Azadlıq Cəbhəsi İranda Azərbaycanlılara qarşı tətbiq olunan haqsızlıqları dünyanın diqqətinə çatırmaq məqsədilə İngiltərədə yaşayan Azərbaycanlıların 27.10.2010 tarixdə yerli vaxtla saat 12.00-də Leeds şəhərinin mərkəzi kitabxanası qarşısında keçirəcəkləri ”Friends of South Azerbaijan” adı altında etiraz aksiyasında iştirak edərək, dəstəkləyir və İngiltərədə yaşayan Azərbaycanlıları bu aksiyaya qoşulmaga çağırır.

GÜNEY AZƏRBAYCAN MİLLİ AZADLIQ CƏBHƏSİ

GUNAZ.TV

SON XƏBƏRLƏR