GünAzTv: Ermənistan Müxalifətinin liderinin oğlu ölkəsi  barədə yazır ki, “Hakimiyyət milyarder oliqarxların əlindədir, müstəqillik isə kağız üzərində.”

Ermənistanın keçmiş xarici işlər naziri, hazırda müxalifətdə olan İrs Partiyasının sədri Raffi Ovanesyanın oğlu Qarin Ovanesyan ölkəsinin müstəqilliyinin indiki durumu və əhalinin güzəranı haqqında “İnternational Herald Tribune” qəzetində məqalə ilə çıxış edib.

Ermənistanın müstəqilliyini bəyan etməsinin bu günlərdə qeyd olunan ildönümü ilə bağlı məqalədə müəllif yazır: “Atam Raffi Ovanesyan ABŞ-da (Amerika Birləşmiş Ştatları) hüquq firmasını buraxıb arvad-uşağını da götürərək İrəvana - sovet Ermənistanının paytaxtına köçdü. Bundan az sonra - 1991-ci il, sentyabrın 21-də Ermənistan müstəqilliyini elan etdi. Bir qədər sonra o, əlində bir faks aparatı və 600 rubl (143 dollar) aylıq maaş kağızı ilə gəlib dedi ki, o, müstəqil respublikanın ilk xarici işlər naziridir. Bir il ərzində o, dünyanın ən böyük demokratiyaları ilə əlaqələri formalaşdırdı, Ermənistan bayrağını Nyu-Yorkda BMT-nin baş qərargahında qaldırdı”.Q.Oovanesyan qeyd edir ki, bunlar 20 il əvvəlin hadisələridir: "İndi isə İrəvanın küçələri dilənçi uşaqlarla dolub. Polis ikicə dollar rüşvət ala bilmək üçün dəyənəyini sağa-sola fırladır, müəllimlər yalnız rüşvət üçün işləyirlər. Prezident bütün hüquq sisteminə, prokurorlara, onun hakimiyyətinə təhlükə yarada biləcək ictimai sektora nəzarət edir. Ermənistanda heç vaxt ədalətli məhkəmə, ədalətli seçki olmayıb. İstənilən seçkidə hakimiyyətdəki siyasi qüvvə qalib olur. Seçkidə uduzanlar heç vaxt sakitcə durub evlərinə getmirlər, gərək hər seçkidən sonra paytaxtın küçələri etiraz aksiyaları ilə dolub-daşa. 1999-cu ildə parlamentin iclasında prezidentin bütün əleyhdarları güllələndi".Atam artıq çoxdan hakimiyyətdən gedib. Amma öz xəyallarından heç vaxt əl çəkməyib. 2001-ci ildə o, ABŞ vətəndaşlıq pasportunu birdəfəlik geri verdi. Ondan bir il sonra İrs Partiyasını qurdu. İndi bu milli liberal partiya parlamentdə azlıqda olan müxalifət qrupudur. Hakimiyyət isə oliqarx biznesmenlərin nəzarətindədir. Kimi ölkədə qazı, kimi qəndi, kimi unu monopoliyada saxlayır. Hər birinin də öz ayaması, cangüdənlər ordusu, lüks maşınlardan ibarət qarajı var. Özlərini gözə soxub maşın karvanı ilə gəzirlər. Milyardlarla dollar pulu olan bu oliqarxlar eyni zamanda Kremlin çevrəsindəki oliqarxlara böyük pul borcludurlar. Ona görə hər şeyi - qızıl mədənlərini, elektrik stansiyalarını Moskvadakı rəhbərlərinə satıblar. Hələ daha da çox satmağa hazırdırlar” - deyə müəllif yazır.Müxalifət liderinin oğlu yazır ki, Ermənistan Rusiyanın nəzarətindədir və müstəqilliyi formal xarakter daşıyır. Ona görə də hazırda İrəvanda müstəqillik, demokratiya bayramının niyə xüsusi təntənələrlə qeyd edilməməsinə səbəb axtarmaq yersizdir: “Artıq mənim atam da daxil olmaqla adamlar başa düşməlidirlər ki, hələ də yaşadıqları romantika onlara konkret reallıqları görməkdə mane olur: Ermənistan azad, müstəqil, həmrəy ölkə deyil. Sovet ərazilərində demokratiya toxumları cücərə bilmir. Əlbəttə, biz inanırıq ki, bu torpaqlarda da günlərin birində azadlıq toxumları cücərəcək. Amma hələlik bu toxumlar vətənpərvərlər və tiranların qanları ilə suvarılır. Hələlik isə bu ölkədə həmin qüvvələrin hər ikisindən kifayət qədər çoxdur”. Yeni musavat