Contact Us

SON XƏBƏRLƏR

3 Avropa ölkəsində Güney Azərbaycanlı tələbələrə dəstək aksiyasi keçirilib

2021.10.20, 07:36
3 Avropa ölkəsində Güney Azərbaycanlı tələbələrə dəstək aksiyasi keçirilib

Gunaz.tv

GünAzTv: İki gün sonra sentyabr ayının 23-də (Mehr ayının 1-i) İran və Güney Azərbaycanda təhsil ocaqları 3 ay tətildən sonra fəaliyyətə başlayır.

 

İranda Ana dilimizin həyatın bir çox sahəsində o cümlədən təhsil sahəsində yasaq edilməsi həm ölkə daxili və həmdə ölkə xaricində hər il etirazlarla qarşılanır.

 

Soydaşlarımız Güney Azərbaycan İstiqlal Partiyasının (GAİP) təşəbbüsü ilə Fransa, İngiltərə və Hollandiyada möhtəşəm etiraz aksiyaları keçiriblər.

 

Aksiyalarda İran rejiminin irqçi siyasəti şiddətlə qınanıb. İranın anti demokrasi tutumu ilə bağlı hazırlanmış vərəqələr əhali arasında yayılıb. Etiraz məktubları bir çox siyasi partiyalar və insan haqları təşkilatlarına göndərilib.

 

Sentyabr ayının 19-u (Şəhrivərin 28-i) yerli vaxtla saat 15:00-də hər üç ölkədə həyata keçirilən etiraz aksiyaları yerli əhali tərəfindən marağla qarşılanıb və çoxlu insanın diqqətini cəlb edib.

 

Məlumata görə, İngiltərədə keçirilən aksiyaya Dünya Azərbaycanlılar Konqresinin (DAK) fəxri sədri Professor doktor Səbri Təbrizi də qatılıb.

SEÇİLMİŞ XƏBƏRLƏR

Çox oxunanlar